《魚缸博客》滙控越升越有唔識停，小心風高浪急啊！

　　《魚缸博客》話說日前博客講過，恒指假如係兩萬點卡好耐都唔上，好大機會打返落去，今
日又升上兩萬點啦，呼籲大家，有貨食左先，過完年先再算。
　
　　不過博客留意到，滙控（００００５）好似係２０２２年開始就慢慢咁會升，每一次回吐調
整再衝上，就快去到歷史新高價，同恒指走勢好似背道而馳咁。
　
　　其中一個匯控咁穩定回升原因，就係公司定期回購股份，一有錢就買，買完股價又升；目前
預期周息率都有成六厘半，如果呢兩三年買落，真係可算為「財息兼收」嘅最佳例子。
　
　　但正正就係因為咁，博客先有小小憂慮。無錯，匯控係風控同成本調整上，係銀行界確實做
得幾好，但唔好唔記得，匯豐係香港樓宇按揭嘅大孖沙，而預計２０２５年樓價維持下行走勢，
咁匯控股價係咪可以ＫＥＥＰ住高走呢？博客就唔太樂觀。
　
　　話返兩頭，如果係早兩年買落，ＫＥＥＰ住收息的話，可以繼續擺係到就無咩所謂；但如果
２０２４年買落，博客就建議資金回籠再作打算，今年繼續風高浪急，要識止賺先係最緊要。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。