按盤價 
《開市Ｇｏｏｄ Ｍｏｒｎｉｎｇ》香江魚缸今日反覆偏軟，收跌６點，收報１８８２１點
，成交縮至得返唔夠千億銀。不過至少回補裂後日內高內掂過萬九點，至少都畀到信心孖屐，魚
缸有力維持大漲小回、築短期底行情？但最怕魚缸而家係造緊「頭肩頂」嘅右肩，腳步一旦不穩
、分分鐘要跌返落１７２００點水平？
受惠於人工智能（ＡＩ）發展加快，疊加夏季用電高峰期，神州耗電需求持續增加，利好一
眾電力股近期難得強勢。惟今日喺大市氣氛疲弱下，電力股要唞下氣。以神州現時應用ＡＩ嘅廣
泛度而言，咁快已將需求反映喺用電量上？阿爺提倡加速發展「新質生產力」，預計政策面上對
用電需求嘅支持延續性有幾長？有機構預期７月嘅三中全會將釋放電力體制改革信號，預計邊類
電力股最受惠？
騰訊（００７００）南非大股東Ｎａｓｐｅｒｓ及旗下互聯網投資旗艦Ｐｒｏｓｕｓ，更新
回購計劃進展時指出，Ｐｒｏｓｕｓ將９６００萬股騰訊股票存入中央結算系統（ＣＣＡＳＳ）
，相當於騰訊發行股數９４﹒２億股嘅１巴仙以逐步減持，用以支持Ｐｒｏｓｕｓ本身股份嘅回
購計劃。壞消息下騰訊股價不跌反升，原因何在？反映孖屐對騰訊嘅信心以及其基本面嘅強勁？
為應對大股東減持壓力，集團都持績回購。但直至大股東沽清仍有很大距離，未來只能靠續回購
抵銷減持嘅影響？有無其他非被動措施？遊戲行業前景又點睇？
聽日（２９日）《開市Ｇｏｏｄ Ｍｏｒｎｉｎｇ》搵嚟資深財經分析師熊麗萍，同大家分
析上述股份、大市走勢，同埋當日嘅焦點股！歡迎大家提問投資及其他股票問題。記得準時
８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ Ｍｏｒｎｉｎｇ》
喇！或者ｃｌｉｃｋ入嚟 ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？
ｖ＝ｔ７ｙｊＹＰｘｚｅ４８ 打個卡先又得！
【你點睇】京港滬港高鐵動臥首發運行，「夕發朝至」模式讓車程縮短近半，你會否考慮乘搭？► 立即投票
