按盤價 
《小傳日記》魚缸成交日日縮，今日仲縮到得９００億多啲，據聞孖屐係睇緊聽日上海陸家
嘴論壇會唔會出現咩猛料，即管睇吓聽日夠唔夠１０００億銀囉。
魚缸之前升完一輪又歸於平淡，科指重磅嘅小米（０１８１０），自從ＳＵ７炒作期完結過
後，小米股價都回歸平淡，不過近期都企得住１７銀做整固，某程度都反映孖屐肯定ＳＵ７嘅賺
錢實力。不過睇得車多，差啲都唔記得小米係造電話；上個月就有傳小米將會喺今年第三季出新
機，會係兩款摺機，分別係ＭＩＸ Ｆｏｌｄ ４同旗下第一款直向摺機ＭＩＸ Ｆｌｉｐ。
小米手機持續搞高端化，並唔會好似以前咁甘心做「平替」，而係對標對手嘅競爭者，有報
道吹風講到，兩部新機都用到高通驍龍８ Ｇｅｎ ３，５０００萬像素主攝鏡頭，６４００萬
像素人像鏡頭；而ＭＩＸ Ｆｏｌｄ ４更配備一個１２００萬像素超廣角鏡頭同１０００萬像
素的５倍光學變焦長鏡。就咁睇吹風料，兩部摺機都同旗艦機款一樣想用鏡頭做主打。
不過如今ＡＩ橫行，目前大家對手機市場焦點都係ｉＰｈｏｎｅ內置ＣｈａｔＧＰＴ，ＡＩ
手機先係萬眾期待嘅焦點，如果小米新機ＡＩ元素不足，話唔定未必可以好似ＳＵ７咁受歡迎。
不過小米新機都唔係完全無期待點，畢竟而家小米手上有架熱賣電動車，如果可以畀孖屐睇多啲
新機可以點樣同車艙系統互動，先會提升到「米粉」對於小米後市嘅追捧力度。
暫時魚缸都未算好給力，小米１４銀穩唔穩都係要睇大市，如果魚缸牛熊線不保，係咁咩股
都可能仲有下望空間，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
WoW WoW星期三：健康網購產品低至$99 (只限今天) ► 火速行動
