《小傳日記》小米自研晶片大躍進突破３ｎｍ工藝？股民小心炒車

　　《小傳日記》自上周五（１８日）晶片股全面走強，獲內地資金狂炒，中芯（００９８１）
上星期五（１８日）飆近１５％，噚日（２１日）先跌後升再倒跌，今日又升唔起，終於有陣散
水味。
　　中芯啱啱消停，呢幾日國產晶片又爆出重磅消息：據《北京衛視》報道，北京市經濟和資訊
化局總經濟師唐建國喺某活動中透露，小米（０１８１０）已經成功流片國內首款３ｎｍ手機晶
片（ＳｏＣ）。成功流片３ｎｍ晶片係咩概念？３ｎｍ工藝係現時全球手機晶片製造嘅最高水平
，目前只有台積電和三星兩間大廠有能力量產，而小米能夠自研３ｎｍ晶片，相當於同蘋果嘅
Ａ１７晶片睇齊，問果粉怕未！
　　不過如此勁爆嘅消息，消息面上始終炒唔起大風大浪，主流媒體唔見報道，就連先前嘅新聞
影片都被極速下架。至於小米就從頭到尾「隱身」，究竟係消息真實性有待考察，仲係為咗避免
挑起花旗國嘅神經，特登壓低風聲呢？
　　孖屐亦一反先前大炒晶片股的聲勢，小米股市唔见一啲水花，今日最高見過２４﹒８銀，最
高升幅先得２％。都唔怪大家反應平平，因為小米自研晶片真係從來無被期待過，好難想象會發
生技術大躍進。
　　回顧過去小米晶片研發嘅道路可謂一波三折：２０１４年，小米攜手大唐電信成立松果電子
，專注於晶片研發，經過多年嘅努力，終於喺２０１７年推出咗首款自研８核晶片－－澎湃Ｓ１
，並搭載喺小米５Ｃ手機上，據報小米投咗高達十億人仔。咁成果如何呢？澎湃Ｓ１採用相對落
後的２８ｎｍ工藝－－冇錯，係２８ｎｍ！結果手機發熱嚴重，導致手機銷量亦不如預期，唔到
半年，小米就停用咗呢款晶片。
　　等到２０１９年著力研發澎湃Ｓ２，但後來有消息話Ｓ２流片過程已累計失敗六次，每次嘅
費用都高達數千萬人仔，最終小米出面證實澎湃Ｓ２量產失敗。自此小米都有繼續推出自研晶片
，但市場上都冇乜水花，而喺花旗國持續加碼技術封鎖嘅情況下，小米如何可以喺七年內，將自
研晶片工藝從２８ｎｍ進步到３ｎｍ，拋離華為直逼蘋果呢？喺未有進一步消息證實前，大家都
係睇定啲好，請請！
　
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。