22/01/2025 17:00
《小傳日記》老鋪黃金升到唔識停，古法黃金真係咁好搵？
《小傳日記》港股回跌，恒指今日收跌約300幾點，82隻恒指成分股中大部分下跌，只有6隻逆市升，升幅榜首嘅比亞迪電子(00285)都係升1.6%，都唔夠老鋪黃金(06181)升幅3.3%嘅一半。老鋪黃金今日盤中最多升8.7%，高見366.4元，再創上市新高。股價咁標青，搞到筆者都好奇，點解老鋪黃金可以日升夜升，做埋「半新股之光」？
老鋪黃金喺舊年6月28號上市，上市價40.5銀，以今日最高366.4銀計算，半年幾以來，股價累積升8倍。翻查2024年升幅榜，藍籌股中升最多嘅小米(01810)，一年內都係升1.2倍。非藍籌嘅泡泡瑪特(09992)叫做一塵絕騎，一年內都係升約3.7倍。但對住上市半年幾就升8倍嘅老鋪黃金，簡直係小巫見大巫。
老鋪黃金唔單止跑贏大市，亦傲視一眾黃金概念股。龍頭金礦股紫金礦業(02899)期內跌6.4%，另一重磅金礦股招金(01818)期內跌1.3%。至於中港珠寶零售龍頭周大福(01929)，更加無眼睇，期內跌15.7%。老鋪黃金有乜嘢本事揮低各位，唔通靠業績？
根據集團公布資料，老鋪黃金上半年多賺1.98倍，不過，期內紫金都多賺46.4%，招金都多賺1.19倍。點解唔見紫金同招金升，而得老鋪黃金獨升，仲要半年幾就足足升咗8倍？
眾所周知，黃金唔似玉石咁，每件玉石都有其獨特性，即使有等級之分，但價值高低仍無法標準化去衡量。而黃金唔同，其價值取決於純度和重量，而且跟住國際金價行。筆者前日問過一個喺金舖做嘅朋友，近期生意點。朋友話呢兩年生意一直都唔好，事關金價一直高企，而金鋪生意主要做金飾，尤其係嫁娶用嘅金飾，金價高企下呢方面嘅做少咗。而睇好金價嘅投資者好少會將金飾當作投資工具抬出抬入？咁又係，今時今日黃金衍生工具咁多，買黃金ETF唔係仲方便？
按照老鋪黃金嘅講法，他們嘅獨門秘方係「古法黃金」，賣嘅係中國經典文化與非遺工藝，消費者更偏愛更具經典文化內涵和產品價值嘅古法黃金產品，產品除了黃金本身的價值以外，更係一件值得收藏的藝術品。一聽到「藝術品」三個字我就明啦，「黃金保值+藝術品自由定價」雙重元素，比普通金飾更高端，毛利率自然夠靚。業績顯示老鋪黃金2023年度毛利率係41.9%，而周大福同期毛利率係22.4%，周生生毛利率係26.4%。
講起股價升幅，筆者諗起早前睇過內地一篇文章，講述寒武紀以387.5%年升幅稱冠A股，年度升幅超過晶片巨人英偉達。但寒武紀已連蝕6年，6年合計蝕52.6億人仔。該作者慨嘆呢幾年嚟，A股嘅股王，大多唔係真正嘅股王，而係炒家手中嘅道具。只要有炒家「青睞」，就算業績再差，都有可能成為股王。相反，真正可以為投資者帶來持續回報嘅股票，就好難成為股王。筆者唔識A股，不作評論。不過，希望港股嘅股王係真正嘅股王，升幅同業績看齊，而唔係步A股後塵，淪為炒家天堂。請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。
老鋪黃金喺舊年6月28號上市，上市價40.5銀，以今日最高366.4銀計算，半年幾以來，股價累積升8倍。翻查2024年升幅榜，藍籌股中升最多嘅小米(01810)，一年內都係升1.2倍。非藍籌嘅泡泡瑪特(09992)叫做一塵絕騎，一年內都係升約3.7倍。但對住上市半年幾就升8倍嘅老鋪黃金，簡直係小巫見大巫。
老鋪黃金唔單止跑贏大市，亦傲視一眾黃金概念股。龍頭金礦股紫金礦業(02899)期內跌6.4%，另一重磅金礦股招金(01818)期內跌1.3%。至於中港珠寶零售龍頭周大福(01929)，更加無眼睇，期內跌15.7%。老鋪黃金有乜嘢本事揮低各位，唔通靠業績？
根據集團公布資料，老鋪黃金上半年多賺1.98倍，不過，期內紫金都多賺46.4%，招金都多賺1.19倍。點解唔見紫金同招金升，而得老鋪黃金獨升，仲要半年幾就足足升咗8倍？
眾所周知，黃金唔似玉石咁，每件玉石都有其獨特性，即使有等級之分，但價值高低仍無法標準化去衡量。而黃金唔同，其價值取決於純度和重量，而且跟住國際金價行。筆者前日問過一個喺金舖做嘅朋友，近期生意點。朋友話呢兩年生意一直都唔好，事關金價一直高企，而金鋪生意主要做金飾，尤其係嫁娶用嘅金飾，金價高企下呢方面嘅做少咗。而睇好金價嘅投資者好少會將金飾當作投資工具抬出抬入？咁又係，今時今日黃金衍生工具咁多，買黃金ETF唔係仲方便？
按照老鋪黃金嘅講法，他們嘅獨門秘方係「古法黃金」，賣嘅係中國經典文化與非遺工藝，消費者更偏愛更具經典文化內涵和產品價值嘅古法黃金產品，產品除了黃金本身的價值以外，更係一件值得收藏的藝術品。一聽到「藝術品」三個字我就明啦，「黃金保值+藝術品自由定價」雙重元素，比普通金飾更高端，毛利率自然夠靚。業績顯示老鋪黃金2023年度毛利率係41.9%，而周大福同期毛利率係22.4%，周生生毛利率係26.4%。
講起股價升幅，筆者諗起早前睇過內地一篇文章，講述寒武紀以387.5%年升幅稱冠A股，年度升幅超過晶片巨人英偉達。但寒武紀已連蝕6年，6年合計蝕52.6億人仔。該作者慨嘆呢幾年嚟，A股嘅股王，大多唔係真正嘅股王，而係炒家手中嘅道具。只要有炒家「青睞」，就算業績再差，都有可能成為股王。相反，真正可以為投資者帶來持續回報嘅股票，就好難成為股王。筆者唔識A股，不作評論。不過，希望港股嘅股王係真正嘅股王，升幅同業績看齊，而唔係步A股後塵，淪為炒家天堂。請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。