02/01/2025 17:15
《小傳日記》蜜雪冰城再遞表！搞教育要被嗌停定另有原因？
《小傳日記》記得上年生發發(00388)CEO陳翊庭喺美的(00300)上市儀式之後同大家講，大型新股係會「接踵而來」，結果上年真係多咗啲係大家識得嘅新股上市。新年新開始，上年年頭申請IPO但半路溶雪嘅蜜雪冰城一到冬天就再次遞表，連續兩年成為全年最快遞表嘅公司。
「頭香」IPO應該搶一次就完，蜜雪冰城要冧莊呢個第一實情唔係咁老黎。上年1月蜜雪冰城遞表未夠一個月，中證監就對曾計劃A股上市嘅蜜雪提出補充材料要求，其中一項就係說明子公司「鄭州蜜雪冰城教育科技有限公司的具體業務」，其中係咪涉及《境內企業境外發行證券和上市管理試行辦法》第八條規定嘅禁止上市融資情形。
自2021年內地教育「雙減」之後，上面就禁止學科類培訓機構上市融資，嚴禁資本化運作。而蜜雪冰城架構入面，就有呢一間標明係教育科技嘅子公司，令人相當疑惑。上網搵到原來蜜雪有個App叫「蜜雪商學」，招股書入面講到，逞要係針對內部培訓而開發，包括加盟商以及員工，遙距教授如飲品製作、食品安全以及消費者服務，算係蜜雪管理過萬間加盟店嘅QC其中一環。
據截圖顯示，App入面有海量嘅課程影片同電子書等，一如介紹所講，當中包括飲品製作方法、食安以及服務，用戶仲可以揀參加考試。而參加唔同課程仲會計學分，仲分必修同選修學科。唔知係咪因為chur得滯，喺中國版Apple store入面普遍評分都唔太好，大多畀一星。最主要嘅差評就係個App成日都會逼迫員工學習，唔少人都話用咗之後日日都好似考研究生咁，明明已經入咗社會大學，仲成日要學習同考試，評論區入面都怨聲載道。
不過又咁講，用得App嘅一定係蜜雪員工或者加盟商，所以畀得一星嘅話唔定係被炒嘅員工呢。而難得有一個五星評論都提到，當舖頭機器出問題，上APP的確搵到解決方法，都證明起碼資訊量係豐富嘅。
上年有消息傳話疑似阿爺唔想太多茶飲股一窩鋒上市，因為好似前人奈雪(02150)上市之後嘅走勢都非常坎坷，如果茶飲股再上市話唔定會引發過熱，結果茶百道(02555)上年4月敲鑼之後，都已經遞表嘅蜜雪同古茗就一直卡住。而到今年蜜雪又再遞表，睇吓搶唔搶到上年爭輸嘅Quota囉，請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。
「頭香」IPO應該搶一次就完，蜜雪冰城要冧莊呢個第一實情唔係咁老黎。上年1月蜜雪冰城遞表未夠一個月，中證監就對曾計劃A股上市嘅蜜雪提出補充材料要求，其中一項就係說明子公司「鄭州蜜雪冰城教育科技有限公司的具體業務」，其中係咪涉及《境內企業境外發行證券和上市管理試行辦法》第八條規定嘅禁止上市融資情形。
自2021年內地教育「雙減」之後，上面就禁止學科類培訓機構上市融資，嚴禁資本化運作。而蜜雪冰城架構入面，就有呢一間標明係教育科技嘅子公司，令人相當疑惑。上網搵到原來蜜雪有個App叫「蜜雪商學」，招股書入面講到，逞要係針對內部培訓而開發，包括加盟商以及員工，遙距教授如飲品製作、食品安全以及消費者服務，算係蜜雪管理過萬間加盟店嘅QC其中一環。
據截圖顯示，App入面有海量嘅課程影片同電子書等，一如介紹所講，當中包括飲品製作方法、食安以及服務，用戶仲可以揀參加考試。而參加唔同課程仲會計學分，仲分必修同選修學科。唔知係咪因為chur得滯，喺中國版Apple store入面普遍評分都唔太好，大多畀一星。最主要嘅差評就係個App成日都會逼迫員工學習，唔少人都話用咗之後日日都好似考研究生咁，明明已經入咗社會大學，仲成日要學習同考試，評論區入面都怨聲載道。
不過又咁講，用得App嘅一定係蜜雪員工或者加盟商，所以畀得一星嘅話唔定係被炒嘅員工呢。而難得有一個五星評論都提到，當舖頭機器出問題，上APP的確搵到解決方法，都證明起碼資訊量係豐富嘅。
上年有消息傳話疑似阿爺唔想太多茶飲股一窩鋒上市，因為好似前人奈雪(02150)上市之後嘅走勢都非常坎坷，如果茶飲股再上市話唔定會引發過熱，結果茶百道(02555)上年4月敲鑼之後，都已經遞表嘅蜜雪同古茗就一直卡住。而到今年蜜雪又再遞表，睇吓搶唔搶到上年爭輸嘅Quota囉，請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。