有乜比婚前性行為更吸引？

　　有乜比婚前性行為更吸引？藝人高皓正上周六於其面書所發表的《10個不「婚前性行為」的理由》中，表示「婚後性行為」更為吸引，並寫出10個說服不支持婚前性行為的理由，包括自信心大增、對方父母歡喜、不會怕有咗、患性病機會大減、更多了解對方、很想結婚、只會找結婚對象、容易處理性沉溺、一旦要分手，傷害程度也大大減輕和非常信任對方。

　　本來每個人對「婚前性行為」抱有甚麼態度是每個人的選擇，但是，高皓正的文章甫出，隨即受到網友們的熱議，原因是他所提出的理由不合邏輯，不少網友炮轟高皓正，認為他高舉「結婚就係為咗做愛」的旗幟，對婚姻不尊重。

　　雖然10個理由都有被網友反駁過，但要數反駁得最多的，一定是「很想結婚」這一點。「天鐵」質疑「為做愛而結婚係咪本末倒置」，「Keiwawa」認為高是前後矛盾，「果頭話咁證明男仔真心愛女仔而唔係單純為咗上床，但果頭又話『很想結婚』，咁係唔係真心愛對方呢？」因此，為了證明愛，「howtindog」認為「高先生可以諗吓婚後禁慾，因為即使係你老婆都唔做愛，咁證明你有幾咁愛佢，而老婆而唔會驚你搵第二個，當然亦唔會怕有性病、有咗等等」。而「Vivian」認為「婚姻有獨特的神聖，包括愛和和犧牲，當然夫妻間的性是美好，但並非終極！」；「Amos」則認為這是自欺欺人的說話，「結咗婚都可以離婚，他可以完全避而不提」，如果按照他的講法，大家為做愛而結婚，咁樣到時離婚率一定高企。

　　而要數最爆的觀點，高皓正稱「做愛既然是私人活動，大家便少了很多群體活動」，不少網友認為即使有婚前性行為，都不代表所有拍拖活動都是做愛，而不出席其他社交場合，亦有網友逆向思考，「咁有婚後性行為，係咪就代表對對夫妻都淨係得做愛，而無晒其他群體活動？」

　　當然，亦有網友認同高皓正的觀點，「Shukki」認為「因為他是過來人，過來人有過咁既經歷所以比任何人更清楚、更有資格講。有多少人因為婚前性行為受過無法言語的傷害你可能唔知，但卻是無可否認的事實」；「Joyce」認為「這個絶對是給一個未信主的女孩子的一個好理由及信念」。

　　事實上，批評高皓正的網友都只是著眼於其欠缺邏輯的觀點，不等於認同「婚前性行為」，「Benny」認為「唯一唔婚前行為嘅原因係我將我最重視嘅貞節交畀你」; 「Sean」認為「在理智和清晰的決定後結婚，會比起單純的感覺上愛對方，心靈上的契合應該會多一點，因此，婚後性行為會比婚前性行為，對對方更有承擔」。另一方面，「TT」認為「性生活係咪協調都係要試過先知，性生活同埋其他生活習慣都一樣，都係要靠去嘗試而了解」；而「Kwan Yiu」則認為「依家的思想道德社會風氣都完全唔同，性都係人的慾望一種，我哋幾時先識得去正視自己的身體需要？」

　　繼論婚前性行為後，高皓正今日發表《脫離「自瀆」小帖士》，向網友講解如何在生理、心理和屬靈層面去脫離自瀆。