明天就係元宵佳節，即中國人的情人節。過埋元宵節，代表農曆新年已完結，一切又回復正常，再沒有節日氣氛。而打工一族又要繼續忙碌工作。

　　為咗減輕OL的負擔，韋太一連四個星期，教授各位要返工的OL四道簡易菜式。大家每天返工都已很忙，放工又要趕回家為家人煮飯做菜，餸菜務求方便快捷，但都會注重營養。

　　豆腐及鯪魚肉含有豐富的蛋白質，雖然菜式簡單，但營養豐富。

　　今期教授的菜式，材料簡單及營養豐富，預早一天準備好，冷藏一天，煮時從雪櫃拿出來便可以煎煮，大家不妨試下。

烹煮時間: 15分鐘

份量:  12件

材料：

　　鯪魚肉 200克、布包豆腐 1磚、雞蛋 1個、蔥粒 1湯匙

調味：

　　雞粉 1/2茶匙、鹽 1/4茶匙、砂糖 1/4茶匙、胡椒粉 少許

做法：

　　1. 豆腐用匙壓爛成茸，隔去水份。

　　2. 將鯪魚肉及調味料加入豆腐內拌勻，然後加入雞蛋及最後加入蔥粒拌勻，放入雪櫃冷藏30分鐘。

　　3. 燒熱鑊，落油1湯匙，將一湯匙魚漿放入鑊內，輕力壓平，煎至兩面金黃即可上碟。

韋太小貼士:

　　1. 一般做魚腐都係用油炸，家庭菜式可以改用煎的方法。

　　2. 做好的魚腐可以配搭其他菜式，如: 菜心扒魚腐，魚腐滾芥菜或白菜仔湯。