秋冬季節，天氣時冷時熱。每逢假日，韋太多會準備一些燜煮的餸菜。燜煮餸菜可以預早準備及放進瓦煲。回家後，不用趕忙做飯，亦可以享用美味及熱辣辣的煲仔菜做晚餐，十分方便！

材料：排骨 300克、薯仔 2個(切角)、乾蔥頭 3粒(切片)、蔥 2條(切段)

調味料：生抽 半湯匙、老抽 1茶匙、砂糖 1茶匙、雞粉 1/2茶匙、蠔油 1湯匙、紹酒 1茶匙、粟粉 1茶匙、菜油 1茶匙

做法：

　　1.　薯仔切件，放入清水內浸片刻，炒時預先盛起瀝乾水。

　　2.　蔥切段，備用。

　　3.　乾蔥頭切片，備用。

　　4.　將調味料放入排骨內，醃15分鐘。

　　5.　燒熱鑊，落油2湯匙，放入薯仔，爆炒一會，使薯仔燜時不容易爛，盛起。

　　6.　另燒熱鑊落油1湯匙，炒香乾蔥頭，加入排骨及薯仔炒勻。

　　7.　注入半杯熱滾水入排骨內，蓋上鑊蓋，改用中慢火燜煮10至15分鐘。完成後，可以加入蔥段，再焗一會即成。

韋太小貼士：

　　經油炸的薯仔會較容易煮熟，表面結實，內裏軟腍。若不想用油炸，可以燒熱鑊，用半煎炸的方法，炒薯仔表面至硬身。