有好多人好喜歡吃豆腐，因為大家都知道豆腐營養豐富及蛋白質含量高。

加上豆腐本身無乜味，做菜時配合一些惹味的材料，豆腐吸了材料及調味的精華，食落更加香滑美味。今期最後要介紹的一款煲仔菜式加入鹹魚，散發出來的味道更加香濃。材料簡單，大家快啲試下啦 !

製作時間:　30分鐘

材料(4入份量):     

　　布包豆腐　1件、雞肉 150克、梅香鹹魚 1件、薑米、蒜茸　各１茶匙

雞肉醃料：

　　雞粉 1/4茶匙、鹽 1/4茶匙、清水 2茶匙、生粉 1茶匙

調味料:

　　清水 150毫升、雞粉 1/2茶匙、砂糖 1/2茶匙、蠔油 半茶匙、老抽 1茶匙

芡汁:  

　　粟粉 1茶匙、清水 1茶匙

做法:

　　1. 豆腐沖洗切粒。雞肉切粒加入醃料醃20分鐘。

　　2. 燒熱鑊，落油1湯匙，將豆腐表面沾上少許粟粉，加入鑊內四邊煎至金黃色後盛起。

　　3. 燒熱鑊，落油1湯匙，將雞粒煎至八成熟盛起。

　　4. 將鹹魚放入鑊內，用慢火煎香，及將骨去掉，肉拆出。

　　5. 燒熱鑊，落油1湯匙加入薑米、蒜茸爆香，然後加入豆腐、雞粒及調味料，用中火煮一會，將鹹魚加入輕輕抄勻，加入適量芡汁埋芡，改放入煲仔內，再將煲燒滾即成。

韋太小貼士:

　　1. 豆腐一定要買布包豆腐，普通包裝或蒸煮豆腐會容易碎及煮散。

　　2. 煎豆腐時沾上少許粟粉才去煎，豆腐不容易鬆散。