【你點睇？】做政府工無大志？！

　　政府工向來被視為鐵飯碗，皆因：「人工高，福利好！」但近日有網民唱反調，在討論區開帖批評年輕人打政府工係無大志！該網民認為年輕人趁後生應去闖一番事業；不過，有網民反駁指政府工收入穩定，三餐無憂，「大把人爭住做」！

　　發帖的網民認為不少較低級的政府工根本是「養懶人」：「一啲低級嘅政府工，例如：Clerk Assistant, Admin Assistant, Driver等等，人工低之餘又無咩晉升機會；而且平時只係做下打字、影印、寄信咁。如果咁後生就揀呢啲工，你啲朋友都會睇你唔起，話你無大志！」

政府VS私人機構 薪酬福利大比併

　　網民對年輕人應否做政府工的話題爭持不下，並進行政府與私人機構的薪金、福利大比併。支持政府工的網民指：「助理文書主任（ACO），只需中五程度，月薪可達$28,000，如果夫妻都係公務員，有穩定月薪之餘仲有公屋同其他福利，生活質素可以話好過好多中產人士！」亦有網民認同指：「返工朝九晚六，每週五天工作，紅日放假，年假由十幾至四十日不等，病假仲有全薪或者半薪，而且每年加薪！」

　　然而，在另一邊廂有網民直指公務員福利已大不如前：升到頂薪點就無得每年加人工，之後就跟政府大圍加一次，而且近幾年政府加薪都係加得2-3%。如果以一個入職$12,000嘅CA黎計，都只係加大約$1,100。相比私人公司，年年加薪仲有雙糧兼花紅，更有升職機會，呢啲都係公務員冇！」更有網民認為：「打任何工都冇出息，要搞生意先有！」

　　時移世易，政府工對打工仔的吸引力大不如前，年輕人大多以打工心態工作，未必會視政府工為終身職業，當遇到更好待遇的工作就會離職。不過，正所謂行行出狀元，只要有能力，即使是受聘於政府還是私人機構，總會獲得賞識。

Source: CTgoodjobs