人口增長，15年升唔夠10%，香港呢15年嘅經濟增長，點只10%？

番轉頭，用番2002樓價低，經濟話就係差咗，但係生活無差過依家喎。
所以用樓價低咗，經濟無咁好，唔等於生活差咗啫。

你又犯了“附帶原因”當“主要原因”的弊病喇

大X樂點解要推出$10飯呀？係因為當時減薪裁員潮，個個都勒緊褲頭過日子，大X樂計過數$10飯都有賺，所以先推出，你試下經濟暢旺時，大X樂仲會唔會推出$10飯？

至於酒樓點解驚執笠呀？大X樂推出$10飯當然係原因之一，但唔係主因，主因又係因為當時經濟差，公司請員工食飯少了，茶客又少了，但租金同其他開支又唔係減好多，喺多重打擊下咪隨時執笠囉！

這裏網友的留言各有風格，無人會遷就你小學雞辯論比賽的方式發言

沽恒指買上證

kap：小水魚全部都係扭曲+混亂「邏輯」，同佢講都曬氣啦！

回#111

依家因為樓貴，租貴，搞到食物，生活都好貴，咁講，真係大家都受害，咁樣好咩？

唔係合唔合我心意，係有好多人都仲要喺度生活。

當你有第二層樓嘅時候，樓價升跌，好影響生活咩？如果只有一層自住樓，升跌又好影響咩？但你一出街，食嘅著嘅都貴哂，先至對你生活有影響，對嘛？

依家係越住越細，生活越嚟越貴，樓價唔跌一下，點算？

學校辯論比賽果啲係學生。
如果喺呢度，講埋啲連學校辯論比賽都不如嘅邏輯出嚟，睇你都一把年紀，俾啲學生見到邏輯咁混亂，唔會覺得好難睇咩？

睇一份2002年的報紙，當時大X樂中午推出$10叉燒飯，大排長龍，旁邊就是酒樓東主喊生意難做，不知何時結業的報道

當時沙士還未出現！

都話沙士個原因唔同呀！同依家無得做比較呀！

樓價跌，就伴隨疫症？天災？

多謝提示…曾經有人話，呢個世上有人真係唔理啲因果關係，一味將啲嘢拉埋一齊，真係明白哂。長見識了。

閣下真的奴隸基因。
發展商售樓, 先拿出境觀差和低層幾個難賣單位, 減少少價作招來, 這是市場學, 不是行善。
閣下口口聲聲自由經濟, 供應方減價谷銷量, 這是供求曲線。
閣下就歌頌霸權, 你扮無知定充當公關？
你自己申報吓。

拒絕重推租管（連殖民者也不敢不行）和增值稅的特衰政府, 根本是吹黑哨, 明幫地產霸權。
這是嚴重失職的官吏, 人民公敵。
官商勾結下, 霸權當然可以操控樓價, 請勿為了私利, 拋棄做人原則, 扮無知。

60兄：

"樓價必不可以與當地經濟增長脫離 ...."
- 我同意的，但樓價很大程度是自由經濟、無形之手形成之結果。政府或任何地產商都冇能力要佢昇就昇，要佢跌就跌。老董時期，政府為了托價，減辣不絕，但依然低處未算低！CY狂加辣招，但Ｄ價仲係咁昇！

＂ 卻以增值稅和租管　　．．．＂
－同任何干預自由市場的招數一樣，一定有pros and cons ，得多失多？我唔識講！
- 我不是反對樓價下跌，但我們要知道利害關系。SARS時期，負資產、通縮，大家見識過了！

"政府嚴重失職, 迫出流血革命, 殖民地餘孽成為萬古罪人."
- 60兄行文總是豪情去盡，小弟佩服！

修正#104："#92" 應為"#93"。