子宮肌瘤︳ 50歲婦女月經嚟足40日不斷出血！服藥無效須做子宮切除術

健康解「迷」

20/11/2023

　　月經問題困擾不少女性，一名年近50歲港婦有月經過量問題多年，惟染新冠康復後、加上確診子宮肌瘤，情況不斷惡化，甚至連續近40日不斷出血。醫生建議事主接受子宮切除術「斷尾」，但事主擔心術後會對生活帶來太大影響，對此陷於兩難。

　　一名年近50歲女網民日前於網上討論區發文，指已經歷一段時間經血過量且來經不停問題，醫生曾建議意接受子宮切除手術「斷尾」，但她擔心決定會對往後生活帶來極大影響，又或者術後復原需時，

　　「唔到最後我都唔想做（子宮切除）。（月經）一直控制得好好，呢半年好慘，醫生叫我考慮呢個終極方案。」

患子宮肌瘤醫生：唔割就等收經

　　事主曾發文透露，其實月經過量問題已持續多年，一直都在受控範圍以內，直至近年她先後兩次感染新冠肺炎，懷疑因此影響到免疫系統，導致唇瘡爆發及手指關節發炎，其後更發現有一粒9厘米子宮肌瘤，

　　「（出血）嚟咗一個月有多仲未停，每日份量都好似嚟M咁。」

網民有乜講？

　　二個好友做咗，一個開大刀，一個微創。兩個都復元得幾好，唔覺老得快咗。

　　我都拖咗一段長時間，搞到嚴重貧血，送咗去急症室輸血。既然等唔到停經，再咁落去會搞到心臟衰竭，做完手術我覺得好OK喎。

　　剛做完微創個人好虛同瘦咗，現在又肥肥白白。

　　之前真係好虛弱，（做完手術後）呢兩年血壓同埋脈搏都變返正常，面色仲好咗。

　　唔使太擔心，我兩個朋友做咗，現在幾年過去，活得好精彩。

　　我同事又係你咁上下年紀做全切手術，佢仲要開大刀。我問佢做完有乜後遺症，但佢話冇，而且後悔唔早啲做。

　　有同事50幾歲，做完之後面色紅潤皮膚好好，仲有少少肥，唔講你一定唔會覺得佢有病。

　　事主指曾就情況多次求醫及入院輸血，獲處方停經藥、止血丸都未能解決問題。她指醫生建議她不如接受子宮切除手術，

　　「醫生話唔割就等收經，再唔掂就要急症室輸血，遲早一日會停。」

手術分剖腹、腹腔鏡兩種作用相異風險類似

　　據養和醫療資料，根據切除部位不同，子宮切除手術可分為「宮頸上子宮切除術」及「雙側輸卵管切除術」，其中同時切除子宮頸的稱為「全子宮切除術」。手術進行方法分為剖腹子宮切除與腹腔鏡子宮切除兩種，而手術後可能引起的問題與風險大致相同。

切除子宮13大影響

　　手術後常見問題包括噁心及嘔吐、頭暈、傷口疼痛、喉嚨不適等。歷時較長的問題包括腹脹（2至3星期）及陰道傷口少量出血（3至4星期）；風險及併發症則有術後腸梗阻、感染、傷口併發症等等，嚴重情況或致鄰近器官損傷，甚至是血栓引致的中風及心肌梗塞。資料亦列出13大切除子宮後的影響供病人參考：

●　不會有月經出血

●　在尚未絕經的女性身上，如果一個或兩個卵巢保留了則不是絕經

●　保留了的卵巢仍會用有功能，並繼續產生卵子和分泌女性荷爾蒙，直至更年期來臨。釋放的卵子將在腹部被吸收。可能仍會周期性有類似來經或經前症狀的感覺。

●　不能懷孕也不需避孕

●　性功能不會改變或有改善，保留子宮頸並不能改善性功能

●　不會增強或導致快速衰老