千鍋居 酒聚好去處

　　筆者大約每星期和酒友酒聚一次，由於每人都會帶備一支葡萄酒，所以我們會找一些不收開瓶費，價錢大眾化，而又可以容許我們由晚上7時「打躉」到11時的餐廳用膳。

 

　　今次一心想係美孚尚賓樓租約期滿前，食多次辣雞煲，酒聚當日才知道尚賓樓已經結業，係時間緊迫之下，見佐敦一間新開業不久的餐廳還能訂位，所以就決定試試新店。

 

 

　　店內地方寬敞， 枱與枱之間預留足夠空間，完全沒有侷促的感覺。

 

 

　　餐廳餐前小食不多，只點了風沙骨($138)和干鍋肥腸($78)送酒等人齊。風沙骨比較乾身，物值不高，反之肥腸夠香口又入味，而且真係夠肥，不錯！

 

　　齊人之後，由經理介紹下點了幾款推介菜式。

 

大良蟹雞鍋($278)

 

　　大良蟹雞鍋足料，蟹同雞都算滑同入味，最後加入烏冬「索」湯汁，十分惹味。

 

蘿蔔崩沙腩煲($148)

 

　　蘿蔔崩沙腩煲，份量不多，肉質尚算淋，不過少許偏鹹。

 

南乳粗齋煲($78)

 

　　南乳粗齋煲，好香南乳味，而且唔會過濃，比一般雜菜煲更吸引。

 

清炖雞($238)

 

　　清炖雞，經理話每天限售兩隻，當然要試試。足料藥材清炖，好介紹！

 

椒香桂花魚($238)

 

　　 椒香桂花魚，起肉加花椒油浸，啖啖肉和有花椒吊味，不過都係偏鹹，向侍應反映即時收走。再上一碟，絕冇推搪，讚！

 

　　千鍋居舒適環境，殷勤服務，食物質素不俗，最重要是全餐飯每位只是$210，確是酒聚好去處。

 

葡萄酒篇：

 

　　既然係酒聚，當然要介紹當晚的酒。

 

 

　　2001 Philippe Charlopin Charmes-Chambertin——酒莊走濃厚多酸風格，於布根地屬於酒體較大的酒，不宜早喝，當日早上開瓶要到晚餐較後時間才喝。

 

 

　　1990 Chapoutier La Bernardine CDP ——Chapoutier係北隆河較出名，南隆河這支CDP通常不宜陳年過久，不過90係極靚年，以至果味仍然活潑，但多了一份CDP少有的優雅。

 

 

　　2002 Rayas——這支都是CDP，但有別於一般CDP採用多款提子，Rayas是採用100% Grenache。Rayas酒年輕時不容易開，故需要陳年，但因為02屬於大爛年，所以能夠早嚐。此酒酒色明顯比一兩年前飲過的幾支較老，但酒體依然完整。

 

 

　　2004 Leroy NSG ——令人又愛又恨的Leroy，愛她的獨特優雅香氣，恨她的低物值和空洞酒體。當晚非常幸運地出到應有香氣，而且口感出奇地實在，好友說可能多得NSG較重身，所以才有這樣的口感，作為一支村酒，足矣！

 

 

　　Krug NV——舊版NV(non vintage) ，好有話係八十年代出品，輕身同好香蘋果味，夏天佳品。

 

千鍋居

地址：九龍佐敦道26E 寶輝閣1樓

電話：2377 2022

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【年度感謝祭】維柏健及natural Factors全線2件7折► 了解詳情