順德公 多款新鮮水產任你食

　　筆者有個出名嘴尖酒友K，他介紹的食店和帶來的葡萄酒都長期維持在高水平，而今次介紹的順德公，更是他每星期必食2-3次的最愛。

　　這次一行十三人，是慶祝四個壽星仔/女的生日，筆者不敢怠慢，甫到埗就與相熟經理到魚缸邊，先行預留多款水產。

　　在未齊人前，先來三款這裏出名的小食果腹。

白灼鮮鯇魚皮 $45

　　魚皮夠新鮮而且爽口，加上有少少芝麻，少少辣椒等配料，好開胃。

蜆芥鯪魚球（$78，上）、鯪魚肉釀青椒（$88，下）

　　真係一分錢一分貨，一般混雜麵粉的鯪魚肉和這裏用上新鮮魚肉手打的鯪魚肉比較，這裏的絕對爽口、彈牙，配襯蜆蚧，絕配！不過稍嫌釀青椒油咗啲。

天麻魚頭湯　$330

　　齊人上主菜。先來一個天麻魚頭湯暖暖胃。一開蓋，便聞到一陣陣藥材味， 用料十足，味濃不太油，寶湯一味，冬天飲更佳。

 

鱆紅魚兩食 $488

睇隻眼晶瑩剔透，就知條魚有幾新鮮。

 

　　先來刺身。鱆紅魚不屬貴價魚，但勝在新鮮，做頭盤一流。店舖新攞刺身牌，刀工比上次進步咗。這味一上枱，大家都來一個慣常動作﹕手機先食！

另一食，炸魚骨，但粉太厚，唔夠脆。

椒鹽瀨尿蝦 $1,200

    椒鹽瀨尿蝦十三両一隻，肉質一般，屬印度貨，不及本地瀨尿蝦鮮美，可以不吃。

  兩斤半重的林哥（$740），其貌不揚，味道卻媲美石斑，全沒有河鮮的泥味及魚腥味，啖啖肉，令不愛吃河鮮的朋友另眼相看。

花錦鱔（$832），兩斤重，炆得十分香口，肉實入味。

污糟雞（$240）味濃，肉滑有雞味。

啫啫芥通菜煲 $88

 

雙皮奶（$21.8）新鮮製做，重奶味，必食甜品。

配酒攻略：

    食物偏向濃味，可以選擇厚身少許的紅酒，例如澳洲的Shiraz或意大利的Amarone。

溫馨提示：

    1.湯和鱔要預訂。

    2.用餐當日可以早點到餐廳看看有甚麼水產。

順德公
地址：佐敦偉晴街 24-26 號地下
電話：2332 0603

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇