《Online有話兒》美大選塵埃落定？侵侵：拜登只是在假新聞媒體眼中贏咗

　　雖然唔少媒體推算普選票指拜登勝出美國大選，但侵侵（特朗普）似乎未肯放棄，除咗聲稱話會透過訴訟拎返個公道之外，重話自己會堅持落去，而且酸酸咁話：「拜登只係向假新聞媒體中贏咗！」

 

 （Shutterstock圖片)

 

侵侵指責媒體大細超，假媒體成為「造王者」

 

(照片來源:特朗普推特)

 

　　侵侵雖然票數上同拜登有一定差距，但部分州份目前都再次進行點票，所以侵侵仍有一定機會「反Cup」。而近日侵侵繼續向推特發功，指責拜登贏出都係因為有假媒體幫手「造王」：

 

　　「佢（指拜登）只係向假媒體眼中勝出，但我從來無承認任何嘢！我哋重有好長路要走，因為呢一場係被操控嘅選舉！」

 

　　最有趣係，推特係佢句嘢下面加返個頭盔：「The claim about election fraud is disputed（呢句嘢係咪選舉欺詐存在爭議）。自從拜登似乎「跑出」之後，社交媒體都係侵侵發言上落呢句頭盔，唔知有心定無意啦！不過睇個勢，侵侵就似乎唔認輸，因為有一大班粉絲撐佢，仲係上個禮拜搞個撐「侵」大遊行添！

 

撐「侵」遊行聚集華盛頓自由廣場，認為媒體說服選民「 轉軚」

 

(照片來源:特朗普推特)

 

　　上個禮拜六（１４日），一大群「侵粉」去到首都華盛頓嘅自由廣場遊行，呢場遊行名為「Million MAGA March」，意思係想讓美國再次偉大嘅百萬人大遊行，雖然呢次遊行人數未有百萬，但都仍然見到人海！

 

　　呢次遊行主要控訴主流媒體提早推定拜登勝出，有偏頗拜登之嫌，並認為媒體說服選民轉投拜登，令選舉不公；而且呢場遊行仲發生過多場暴力衝突，亦有說發話「侵粉」先出手，其中包括一名「侵粉」被左翼團體「黑人命可貴」（Black Lives Matter）人士揮拳襲擊。

 

　　侵侵見到咁梗係嬲豬！因為主流媒體無咩人報道過呢類被襲擊消息，仲話：「沉默的傳媒是人民公敵！」

 

拜登馬仔克萊恩：拜登當選與否由人民決定

 

 （Shutterstock圖片)

 

　　另一邊廂，拜登似乎都無咩點出聲，面對侵侵指控都係「面不改容」，都係嘅，就算贏都要贏得有風度啊嘛！所以拜登就派出出任下屆白宮幕僚長的克萊恩講兩句：

 

　「拜登是否當選，並非由特朗普的帖文決定，而係由美國人民決定。而特朗普嘅貼文只係確認拜登當選嘅現實。」

 

　　答得幾有風度，唔錯！而克萊恩又話希望聯邦總務署係今個禮拜確認拜登的總統當選人身份，以便係國家安全及疫情問題上推進工作。疫情緊要啊！

 

撰文：李皆穎

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇