【擇業錦囊】該加入哪支應聘大軍？讓九型人格告訴你（上）

　　好多人喺搵工嘅時候，都會以興趣行先，覺得自己鍾意唱歌就立志要做歌手、鍾意幫人就最啱做社工。點知入咗行之後先發現，原來自己好怕企喺舞台、成為眾人眼中嘅焦點；又或者極度以目標為導向，只係關注解決問題而忘記咗細心聆聽人嘅需要…..

 

　　但其實搵工最緊要係睇個性！唯有選擇到一份適合自己性格嘅職業，先至可以全情投入，做得開心！ 

 

　　即刻同小編一齊嚟試做九型人格測驗，睇下自己係屬於哪一類型，又最適合從事咩職業啦！

 

鄭裕玲

 

第一型（完美主義者）

 

　　代表人物：孔子、李連杰、汪明荃、鄭裕玲、朱鎔基

 

　　人格特質：理性、有原則、有毅力，而且刻苦耐勞。做事注重細節，甚至吹毛求疵，希望可以保持高嘅標準和質量，係追求完美嘅工作狂，所以對己對人嘅要求都好高，容易因自己或他人無法達到理想標準而憤怒斥責。

 

　　適合嘅職場：需要堅持原則與公正嘅所有領域，包括法官、醫生、質量檢查、紀律檢查、安全檢查、審計等。

 

德蘭修女

 

第二型（熱心助人者）

 

　　代表人物：德蘭修女、沈殿霞、雷鋒

 

　　人格特質：非常有同情心，會體諒、關心同照顧別人；為人親切和善又不吝嗇付出，但有時會因為過分熱心而顯出佔有慾，意圖干預別人嘅生活。

 

　　適合的職場：幾乎所有同人打交道嘅工作都可以發揮到第二型嘅天賦才能，例如客戶服務、老師、護士、推銷人員等。

 

李嘉誠

 

第三型（成就追求者）

 

　　代表人物：劉德華、李嘉誠、鞏俐、陳水扁

 

　　人格特質：善於打扮外表，望落去總係光鮮亮麗。非常目標導向，會努力表現自信，不斷追求進步，想可以變得更好、更成功，得以成為眾人焦點，但有時亦會因為咁而令其他人覺得佢哋好勝而做作。

 

　　適合的職場：第三型擅長說服別人，而且好有目標性，特別適合推銷、保險、演講等領域嘅工作。

 

王菲

 

第四型（浪漫者）

 

　　代表人物：張國榮、王菲、梁朝偉

 

　　人格特質：有獨特嘅審美觀同創造力，不過情緒起伏好大，通常係因為覺得孤獨、不被了解而顯得多愁善感、不切實際。

 

　　適合的職場：各類要求高度創意嘅工作，如美術、音樂、藝術、時裝、戲劇、文學、裝潢、廣告、產品設計等。

 

　　待續……

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情