羊年將至，不少的產品或佈置都以羊作為招徠，市面上出現的大多是卡通版的羊，不過觀塘APM所舉行的「APM『咩』聲報喜迎潮羊」，就以真羊來做宣傳。

　　網友Innie Ccy於昨日(8日)上載一幅APM的現場圖片(上圖)，表示「APM竟然放兩隻真羊仔喺度畀人餵同影相」，而拍照的條件則是於商場內消費，憑單並捐款$20予無國界醫生，即可近距離餵羊仔和拍照。同時，她轉述在場職員，指「羊仔不會過飽，但是會好驚」。相片上載後，引來網友們的炮轟，認為借動物宣傳是不人道的，認為有關單位需要向公眾解釋。

　　Florence質疑此活動舉辦的原因，「佢哋知唔知咁樣會嚇親動物？」，Julian認為是「將真羊放喺假草度，商場又多人又大冷氣，想嚇死佢咩」，Queenie則表示「一定要趁機教育下小朋友，絕對不可以支持商場動物園」。Chun Lok帶出另一觀點，「動植物公園都係咁，用室內迴音嚇壞羊，要人道，應該去野生動物園」。

　　無國界醫生於今日(9日)中午於Facebook專頁表示，「此乃有關商場主辦的活動，事前並沒有知會我們會以無國界醫生作為活動的受惠機構，同時在未有獲得我們授權下使用我們的標誌」，同時「亦不會接受是次活動中籌得的款項」。不過，APM至今仍未交代有關事件。

　　對於無國界醫生的不知情，不少網友感到憤慨，Raymond認為過份，「咁同果啲騙徒有乜分別」，Mokee質疑「APM佢哋如果真係自把自為，咁個捐款箱係咪假的?如果佢哋偽造捐款箱，咁MSF唔止出聲明，更加應該報警嚴正處理喎!」然而，無國界醫生表明不會接受是次活動的款項，Ironside質疑「錢就有人因你機構而捐咗，你又話唔收，佢哋又無法退款，咁即係點？」Stephanie 建議可以送交小羊機構，改善牠們的糧食和居住環境。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情