【窩心美味】母親節快到！DIY杏仁牛油蛋糕送給媽媽！

　　不知道大家有無留意，朋友結婚派餅咭，去到餅店換餅時，發現大部分西餅都係由兩層鬆軟的海綿蛋糕組成，中間只夾一層薄薄的牛油忌廉，幾元一件。懂得做蛋糕的朋友，很少會用牛油忌廉來做餡料，因為怕牛油吃得多容易肥。

 

　　做海綿蛋糕材料好簡單，而且成本平。想特別一點，可以做杏仁味蛋糕，杏仁粉雖然價錢昂貴，但若加入蛋糕內，味道會大大提升！剛好家中有杏仁，不想浪費，於是就將蛋糕改變一下，用杏仁蛋糕去配搭牛油忌廉！若喜歡，還可加入咖啡提升蛋糕的味道；改做小件裝切餅，作為下午茶點或飯後甜品最啱！今個星期日就係母親節，不如加點心思，親自製作蛋糕送給媽媽啦！  

 

杏仁牛油蛋糕

 

 

製作時間：1小時

分量：6件

 

材料A

 

 

雞蛋    2個

低筋粉  30克（過篩）

杏仁粉 70克 

糖霜   80克

牛油 （融掉）  15克

 

材料B

 

 

蛋白  60 克

砂糖  12克

 

咖啡牛油忌廉（餡料）

 

 

無鹽牛油    80克

糖霜        40克

咖啡香油／咖啡水 適量 

 

餅面裝飾：已烘杏仁片 適量

 

做法：

 

　　1. 將材料A加入盤內，拌勻成麵糊。

 

 

　　2. 將材料B的蛋白加入盤內，用電動打蛋器高速打至起泡，砂糖分2次加入打至挺身 。

 

 

　　3. 將蛋白分2次加入麵糊內，輕手拌勻。

 

 

　　4. 焗盤墊上牛油紙，倒入麵糊平均推平，放入已預熱180度焗爐，焗10至12分鐘。

 

 

　　5. 咖啡牛油忌廉製作：糖霜及牛油加入盤內，用電動打蛋器打至乳白色，加入咖啡水拌勻。

 

 

　　6. 蛋糕出爐放涼，蛋糕邊位略修，平均分切成3片，底層一片蛋糕搽上牛油忌廉，如喜歡可以加上杏仁片，第2層及第3層重覆以上步驟。放入雪櫃冷藏至表面變乾即可。

 

 

小貼士：

 

　　餅面放上杏仁片時要留意切餅落刀位置，才可以切出完美小蛋糕。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇