【惹味又飽肚】滿滿蒜香！松子蝦仁意粉

 

　　打開雪櫃，見有包松子仁只用左少少，平時只用它來炒粒粒。其實，松子仁的價錢都好貴，唔煮放係到，真覺得有點浪費。不如利用它來煮意粉，意粉就可以隔星期煮一次，這樣便可以快些消滅它，又唔會覺得浪費啦！

 

　　用爆香的蒜片去炒意粉，炒出來的意粉好香蒜茸味，加入松子仁，口感更加香口。過多幾天就是大除夕，大家都可以開個除夕派對，炒這個意粉都可以！

 

烹煮時間：10 分鐘

份量：2人

 

材料： 

 

 

蝦仁       150 克

意大利粉   200 克

松子仁      30 克

蒜頭        3瓣 （切片）

 

蝦仁醃料：鹽及胡椒粉   各少許

 

調味料：

甜椒粉    1茶匙

黑椒碎    1／2 茶匙

鹽        1／4 茶匙

雞粉       1 茶匙

 

做法：

1. 蝦仁沖洗，加入醃料醃15分鐘。

 

 

2. 意粉按照包裝袋上時間指引煮熟，盛起瀝水。

 

 

3. 松子仁用白鑊爆炒至金黃色，盛起。（白鑊即不用落油）

 

 

4. 燒熱鑊落油1湯匙，加入蒜片爆香，加入蝦仁炒熟，加入意粉及調味料炒勻，最後加入松子仁，試味，即成。

 

 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇