• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

27/02/2017

「不任命」論可以幫曾俊華一把?

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  執筆之時,選舉事務處正式宣布,曾俊華160個提名全數有效,正式成為2017年特首選舉嘅第一位正式候選人。

 

  大家亦都知道,曾俊華手上面嘅提名票,125張係來自泛民,佔比達到78%。正如Tina之前提及,一個點秤都係屬於建制派嘅特首候選人,提名票最好要有超過一半,甚至係七八成來自建制;如果八成來自泛民的話,咁阿爺對佢嘅信任程度,可以去到咩位置呢?

 

  不過,出現咁嘅情況,源頭又喺邊度呢?簡單咁講,係強力部門一開始就已經要力捧林鄭去搬入去禮賓府,所有建制派嘅選委都收到來自北面同西面嘅電話,強烈表明「阿爺非林鄭不揀,提名票一定要遞畀林鄭」。咁嘅情況之下,建制選委真心捧林鄭嘅,自然好高興咁遞張提名票畀佢;心目中仲諗緊揀邊個嘅,由於提名係要開名,無可避免就得兩條路揀:一係就畀林鄭以示對阿爺效忠,有啲「吉士」嘅就好似李超人咁,索性個個都唔畀。試問咁樣曾俊華又點能夠搶到堅實建制派嘅提名票?更何況,佢提交嘅25張建制選委票,根本全部都唔能夠講係建制派,只能夠將佢哋歸納為中間派。

 

  呢個本來係「雞先定蛋先」嘅問題,但再睇得深入啲的話,其實係五年前唐梁之爭令建制大撕裂,同時令阿爺唔再相信建制對建制嘅牌面,係會有公平競爭,必定係搶得血肉模糊。既然係無公平的話,倒不如一開始就一錘定音指定一個人,咁樣所有建制派歸邊,容易控制。而指定呢一位候選人嘅其他所有建制派,都唔會係選擇之列。

 

  可能建基於呢個觀點,有報道就引述董伯伯喺一個非公開場合就話,如果特首選戰係曾俊華勝出的話,中央唔會任命佢,惹來干預選舉嘅指控,而董伯伯亦急忙澄清無講過呢番說話。不過,有位堅實親中嘅選委同Tina講,董伯伯有無講過唔係重點,因為好多人對佢會講呢番說話根本唔會存在疑問。而報道一出,好大可能會帶來反效果,因為作為多年香港高級官員嘅曾俊華,要打到佢成為反對派係匪夷所思嘅事;有關言論就更令到其他中間派人士心寒,因為無論之前做到幾高幾好幾忠誠,阿爺唔鍾意就可以打到你變反對派。

 

  再者,萬一選到曾俊華而阿爺不任命,呢個政治後果之大,比起繼續硬撐梁振英做多五年,對香港嘅損害更大,所以呢位堅實親中選委都相信,傳聞中董伯伯嘅言論,未必真係代表中央最高層思想。佢相信,「不任命」嘅說法,可能會激發更多表面忠實心裏唔多誠實嘅人會「人格分裂」,明票暗票分頭行事。

 

  但曾俊華最終要打得贏呢場逆境波,機會仍然係細過香港隊踢波贏到皇馬。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【強免疫‧抗病毒】3大健康法寶低至$88 (徇眾要求 優惠期延長至25年2月21日)► 了解詳情

我要回應9

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 六十後男士發表於 2017-3-2 10:14 PM
  • #10
  • 你有票嗎?
    你支持甚麼, 有人當回事嗎?
    夜郎自大.

  • 引用 #8 ctang8 發表於 2017-3-1 04:11 PM

    我支持任何人當特首,條件: 1)有心丶有民望丶有能力,和解各界!今天是香港最需要的事! 2)尊重一國兩 ...
  • 回覆 | 引用 | 舉報
  • GreatChinese發表於 2017-3-2 09:41 PM
  • #9
  • 我真懷疑葉劉本是夠票入閘的, 不過最終識做放棄了.
  • 回覆 | 引用 | 舉報
  • ctang8發表於 2017-3-1 04:11 PM
  • #8
  • 我支持任何人當特首,條件:

    1)有心丶有民望丶有能力,和解各界!今天是香港最需要的事!

    2)尊重一國兩制,應該是香港自主的事,由香港自主。不能已西環為主,而將香港人的權利,一一犧牲!
    3) 能據實將香港人的素求上達。不加不減。
    4)能保持香港為國際城市的優勢,不盲目追求中央優待,以致懶惰地捨強取弱!
    5)按照香港實況,去發展移民丶工商業丶及各樣民生的政策!

    6) 保存法治香港,亦是重中之重。不以法律為政治工具,亦不容行政機構越權行為。
  • 回覆 | 引用 | 舉報
  • 昨日的我發表於 2017-3-1 03:37 PM
  • #7
  • 回覆 #5 ctang8


    你撐鬍鬚曾無問題,但你可以講出為何撐他嗎?

    鬍鬚曾拒絕了選舉論壇,但沒透露原因,林鄭和「傳聞中的打手」胡官就去馬,與不少人的想法(包括我)相若,曾主守,胡主攻,各司其職,曾不斷出動「軟功」了,不停拍溫情片。說實在的,如果三人會戰,就算係二打一,我覺得「好打得」會一面倒砌低兩人。

    鬍鬚曾2015年提出的美食車,終於開業了,看看今天新聞,蝕到入肉,有些索性停業幾天。記得當年鬍鬚曾提出時,大部分人都覺得「離地」,要用百萬做一個「小販檔」喎,香港特色是車仔檔,不是美食車呀。或許,他以為人人都好似佢咁,月入三十萬的中產。
  • 回覆 | 引用 | 舉報
  • 六十後男士發表於 2017-3-1 02:59 PM
  • #6
  • 騙子出沒!
    按照騙子邏輯, 一對結婚十年的配偶, 豈會不互相信任, 僱用私家探員調查對方?
    騙子最喜歡採用似是而非的說話行騙.

  • 引用 #5 ctang8 發表於 2017-3-1 12:12 PM

    清醒奌,曾生獲中央仼命財政司十年之久,有可能不信任嗎? 不任命論只是政治把戲,將林鄭捧上特首之位!但 ...
  • 回覆 | 引用 | 舉報
  • ctang8發表於 2017-3-1 12:12 PM
  • #5
  • 清醒奌,曾生獲中央仼命財政司十年之久,有可能不信任嗎?

    不任命論只是政治把戲,將林鄭捧上特首之位!但也同時讓林鄭變為民主派所唾棄!中央的強暴介入,和將來特首的不得民心,都不是香港之福。撕裂將進一步惡化,當然也要看林鄭將來的言行。看上去,應不可能比689差。但也説不定,不竟她也曾唔選又選地變色!
  • 回覆 | 引用 | 舉報
  • Shulin發表於 2017-3-1 11:47 AM
  • #4
  • 回覆 #3 昨日的我


    我也覺得胡官露出狐狸尾巴了, 他表明參選是為阻止林鄭當選! 一个特首後選人不是為自己當選, 為香港人謀福祉, 而是另有目的? 他連政綱的格式也是與曾俊華十分相似, 像同一团隊出手, 背後的打掩護, 昭然若揭啊!
  • 回覆 | 引用 | 舉報
  • 昨日的我發表於 2017-2-28 03:30 PM
  • #3
  • 以現時情況,現時最熱門不是林鄭,而是曾俊華。特首選舉明顯係二打一,鬍鬚+胡VS林鄭,胡在交表後已表明自己的心跡「不讓林鄭當選」,而並非自己勝出。估計,前者的策略是,胡主(硬)攻,鬍鬚主守,目的要在第一輪投票中「無人能拿到600票」,咁就入到第二輪,屆時由鬍鬚VS林鄭的話,鬍鬚手上穩奪泛民32X票,建制屆時只要有280人投鬍,鬍就當選了

    如果中央真係「不任命」,給香港人的信息就好明顯,不惜一切也不會讓「中央不信任的人」去管治香港。
  • 回覆 | 引用 | 舉報
  • 盟主牌發表於 2017-2-27 10:01 PM
  • #2
  • hea生第一個公佈正光
    第一個将正光執生,看風改舷
    第一個扑住去交表
    第一個成為特首候選人
    咁多個第一,特首位手到拿来,冇難道吧
    阿爺唔加持的話,曾灶財下旨追封
    香港一天天爛下去,不是正合hea生幕后之意嗎
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ