【10大啜核金句】7月再開棟篤笑！黃子華論盡打工仔心聲

　　證實咗啦！證實咗啦！黃子華今年7月真係會喺紅館搞棟篤笑啊！消息一出，大批忠粉隨即喺網上熱烈討論點樣撲飛（小編從未試過成功撲到飛～哭！），仲搵埋男神歷來出產過嘅啜核金句出嚟不斷翻loop！所以小編都特登精選咗「子華神」嘅10大職場金句，當中實有一句hit中你心聲！

 

　　1. 老闆畀份人工你，一半係畀你做嘢嘅，一半係畀你受氣嘅！

 

　　2. 人類嘅終極理想都係不勞而獲，你呢種態度呢，係一個好正常人嘅態度嚟㗎！

 

　　3. 我有一份工，叫做陰功。 

 

 

　　4. 鞠躬盡瘁死而後已……If I try so hard, I will die after worst.

 

　　5. 每一個上司都是沒有才幹的，不然就不用有下屬了。

 

　　6. 我覺得講得出『我好鍾意返工』呢句說話既人，一定係鬼上身。

 

　　7. 啲老闆成日話啲員工做嘢都唔攞個心出嚟，激死人……啲員工就成日話老闆都唔攞嚿金出嚟，洗死人！

 

　　8. 辦公室精英4大入職要求：HEA做、假度、虛應、陪笑。

 

　　9. 錯就要認，要對方認。

 

　　10. 搵食啫，犯法呀？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】東南亞藝術市場是下一個熱點？一探各地獨特及吸引之處！► 即睇