點解Facebook要研發Chatbot對話機械人？

　　今個星期有單新聞，講述Facebook喺一個研發人工智能對話系統 (chatbot) 嘅過程入面，兩個chatbot竟然發展出自己嘅語言，令Facebook不得不煞停研究。

 

　　今次研究嘅本意係想測試chatbot嘅「談判技巧」，但因為工程師並冇設定兩個chatbot喺談判期間，必須以人類正規英文文法進行，最終兩個chatbot竟然以一堆得佢兩個先睇得明嘅英文生字溝通，最終迫令工程師暫停研究，修改程式。

 

 

　　呢單新聞除咗令大家聯想到科幻電影情節之外，亦令大家意識到人工智能嘅發展步伐有幾快。Facebook投放資源去研發chatbot，其中一個目的係希望發展出一套「仿真度」極高嘅對話系統，令一般人同「佢」對話時，並唔會發覺自己係同一套電腦系統講緊嘢。

 

咁究竟Facebook點解要投放資源去研發chatbot？

 

　　據統計，Facebook有超過八成嘅廣告收入係來自佢嘅手機應用平台，而計劃中嘅更新版Facebook Messenger，將會加入Facebook Payment功能，方便用戶透過手機喺Facebook直接購物。而chatbot喺Facebook Messenger22嘅角色將會好似customer service嘅接線生一樣，先同客戶進行初步溝通，分析客戶嘅實際需求，然後再交畀人類follow up。據報呢種模式將會提升服務效率，令服務更個人化。不過呢套系統暫時仲喺測試階段。 

 

 

　　以往Facebook Messenger只係一個畀用戶聊天嘅工具，但更新版本亦計劃加入更多"call to action"按鈕。除咗現有嘅"Send"之外，亦計劃加入"Shop Now"、"Get Support"、"Get Updates"、"Play Now"等更加針對性嘅要求，方便用戶更快獲得適當協助，同時令各品牌多咗一個簡單直接嘅客戶服務平台。

 

　　而家社交平台同好多人嘅日常生活都已經不可分割，現今嘅大趨勢亦已經將網上購物同社交平台融合。Facebook Messenger同chatbot嘅研發預計將會為Facebook帶嚟另一種形式嘅廣告收入，同時亦會引發各大品牌製造更多更具創意嘅campaign。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇