上《男神廚房》奉旨「品仔」 伍詠薇唔再用氧氣罩

　　【晴報專訊】伍詠薇（伍姑娘）、林德信（Alex）及周汶錡等昨日錄影無綫綜藝節目《男神廚房》，一向喜歡欣賞靚仔的伍姑娘，遇上廚藝了得的Alex即雙眼發光，她直認今次要「品仔」，但就笑言不再使用氧氣罩。

 

伍姑娘帶備氧氣罩出席08年《香港先生選舉》，成為經典場面。

 

　　伍詠薇昨日錄影《男神廚房》，她興奮表示︰「我除咗食之外，當然唔少得『品仔』！（使唔使帶氧氣罩？）唔使，都唔同層次，當時為咗個節目（08年《香港先生選舉》），最緊要大家睇得開心。我都有家室，都係做節目娛樂下大家，寓工作於娛樂啦。」

 

　　在節目中不用下廚的伍姑娘，直認不懂下廚，更自嘲是地獄廚神，「我直頭係地獄中嘅地獄，破晒地獄，不過喺節目入面見到啲男神煮嘢食的確幾開心，靚仔仲會加分㖭！」

 

周汶錡擔任嘉賓，為各男神的廚藝評分。

 

林德信識煮鹹魚白菜

 

 

伍姑娘見到Alex已雙眼發光，笑言對方煮任何食物都會加分。

 

　　伍姑娘又對嘉賓之一的林德信讚不絕口，大讚Alex是筍盤︰「佢係瑜伽老師，又識煮嘢食，又靚仔又溫柔，我一定加晒佢分；今次我要重新認識Alex，對呢個男仔另眼相看。」外形比較洋化的Alex直言，平日在家不時下廚，更懂得煮傳統的鹹魚白菜和慢煮梅菜三文魚，他說︰「今次煮嘢食有啲壓力，因為平時喺屋企廚房都係靜靜地一個人煮，但今次有咁多嘉賓，又有評判睇住，係會有啲緊張。」

 

　　問Alex會否下廚氹女仔？他笑言平日甚少為女仔下廚，通常煮給自己食；他憶述曾煮給七至八個人食，但人多難以控制食材分量，他笑謂最理想的解決方法，就是BBQ和煎牛扒。

 

轉載自: 晴報

• 

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇