獲爸爸關禮傑神助攻 關楓馨大熱殺入港姐決賽

　　【晴報專訊】無綫昨晚舉行《香港小姐競選準決賽》，④關楓馨在父親關禮傑「獻身」當表演嘉賓下，輕鬆殺入12強，將與大熱門③陳聖瑜、⑮梁凱晴等在下月12日的總決賽決一高下。

 

關禮傑激罕父女檔現身選美舞台演出，結果助女兒關楓馨入圍。

 

　　20位佳麗昨晚力爭12個入圍名額，星二代④關楓馨在才藝表演中獲父親關禮傑助陣，父女檔在舞台上表演「四手聯彈」，司儀之一的吳偉豪亦乘機抽水︰「名副其實將屋企人擺上枱，唔係，係上台！」關禮傑與太太到場支持愛女，賽前受訪時指太太不會上台，又講笑說若太太也上台就是「打茅波」。他又否認父女檔演出有助拉票︰「如果得嘅話，上年我已經攞咗視帝啦，無得靠關係嘅！」

 

身材勻稱的④關楓馨，憑甜美笑容獲評判歡心。

③陳聖瑜（左）在battle環節中，揮低⑨王嫿嫿入圍。

 

「粗口佳麗」梁允瑜落選

 

熱門之一①梁允瑜落選後強顏歡笑，疑似黑面拒攬向海嵐。(網上截圖)

 

　　至於首輪淘汰的四位佳麗分別是「粗口佳麗」①梁允瑜、⑪劉珍寶、⑯伍韻婷及⑰余詠童。當中梁允瑜被foul後盡見真性情，導師向海嵐想向她送上抱抱卻食檸檬。此外，⑤張嘉倩、⑥余曉蕙、⑦戴佳敏及⑨王嫿嫿在問答battle環節後亦無得留低，無緣亮相總決賽。另外，即將卸任的謝嘉怡日前客串《愛‧回家之開心速遞》，她直言記廣東話對白有難度，但可以挑戰自己。

 

謝嘉怡穿上銀色閃閃晚裝，打扮似足錫紙。

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇