迷上14歲姚焯菲 坤哥強調無非份之想

　　【晴報專訊】吳業坤（坤哥）在網上自爆成為《聲夢傳奇》學員姚焯菲（Chantel）粉絲，前晚坤哥與吳若希（Jinny）錄影《勁歌金曲》，坤哥大讚人靚聲甜的Chantel令他重拾初戀感覺，不過他強調只以叔叔角度欣賞對方，希望有個像Chantel般的女兒。

 

坤哥笑言要幫姚焯菲創辦歌迷會。

 

　　吳業坤前晚受訪時大讚姚焯菲說︰「我諗全港30歲以上嘅男士，都會重拾初戀感覺，我同幾個朋友話不如搞個歌迷會！」坤哥自言由第一集《聲夢》開始已覺得Chantel「好正」，對方在新一集唱《戀愛預告》更唱出少女味道，但他強調︰「我對Chantel無非份之想，我哋年紀相差17年，純粹以uncle角度去欣賞佢。」

 

姚焯菲唱《戀愛預告》的片段昨晚已超過82萬點擊。（網上截圖）

 

　　坤哥笑指Chantel是張「白紙」︰「只能遠觀，佢好我就好，如果我有個女咁sweet就好。」他自言曾在公司巧遇Chantel，但他竟怕醜不敢打招呼︰「我唔敢抄牌（攞電話號碼），好耐無試過呢種追星感覺！」另外，坤哥前晚與環球新人曾比特（Mike）合唱偶像陳奕迅的歌曲《Shall We Talk》，他指Mike是唱得之人，趁機交流音樂。

 

吳若希嗌錯杜之克洋名瘀爆

 

吳若希（右）前晚重遇音樂恩師李璧琦。

 

　　同場的吳若希前晚獻唱新歌《只想你記得》，並即場接受點評。提到無綫高層杜之克離職，Jinny大讚對方非常友善︰「我同佢唔算好多接觸，但我叫錯佢個名兩年，我一直叫佢『Philip』，但其實佢叫Felix，直到拍《多功能老婆》洪永城糾正我先知，真係樣衰到一個頂點，亦都睇得出佢非常大方，係一個會畀機會新人嘅管理層。」但她笑言一定不會叫錯老公名字︰「因為我慣咗叫佢『廢柴』！」問她可擔心杜之克離職，會影響她稍後演出的合拍劇？她輕鬆表示︰「無得拍咪由佢囉。」

 

轉載自: 晴報

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票