踏入7至8月暑假，大家有沒有計劃過去哪裏暢玩呢？既然今年暑假未有得如常去旅行，不如就去本地主題樂園大玩特玩！編者收到風，海洋公園和迪士尼門票都有優惠活動，好像是買一送一、Staycation套票等等！提提大家，優惠只是限時供應，有興趣的就要mark實時間啦！

 

海洋公園優惠

 

（圖片由海洋公園提供）

 

　　為慶祝香港特別行政區成立25周年，海洋公園在7月推出新一輪優惠，包括買一送一、酒店Staycation套票，大家可以趁盛夏入園暢玩！即睇各優惠詳情︰

 

優惠一︰指定年月出生享買一送一

 

　　今年7月年滿25歲的朋友有著數！海洋公園特地為1997年7月出生的市民送上門票買一送一優惠，即是$360就可以入手2張海洋公園門票，仲送一張$30購物電子現金券；水上樂園則可以$560買2張飛！

 

發售日期︰即日至7月31日

有效期︰7月1日至8月31日

 

優惠二︰推酒店Staycation 套票

 

　　海洋公園今個7至8月跟本地酒店合作推出Staycation套票！根據網站顯示，目前有香港JW萬豪酒店和港青酒店選擇！JW萬豪酒店的套票包入住豪華客房、海洋公園門票（2張成人、1張小童；2張成人）、自助早餐、3張或2張$30購物電子現金券，啱哂一家大小去玩！至於港青酒店的套票內容大致一樣，提供標準客房、海洋公園門票（2張成人、1張小童；2張成人）和自助早餐。詳情可以到海洋公園網站查閱。

 

下頁睇迪士尼優惠

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2