天氣凍冰冰，好想食煲仔飯！編者食過最好食的煲仔飯，不是用石油氣或煤氣爐煮，而是用炭爐燒出來，入口不但熱辣辣、暖笠笠、香噴噴，還有一股炭火焦香，令人非常窩心！最近更有舖頭用備長炭煮煲仔飯！我估好似日本人用備長炭煮飯一樣，飯粒香軟可口。哪裏有得吃？去「點煲」吧！這間煲仔飯專門店還有一大賣點，就是大搞武俠風格，一入門口就有最具江湖味的「懸紅榜」和「英雄榜」，牆上仲有「降龍十八煲」裝飾，食煲仔飯之前先打卡熱身，好忙！

 

 

　　「籠蒸釜猛」菜單中，作為「釜猛」派代表的煲仔飯，由挑選食材、調味到火喉控制都盡顯真功夫！煲仔飯的最大亮點是選用備長炭來煮，據講可以燒出均勻雄猛的火力，令飯粒軟綿帶微焦、飯焦黃金香脆的，也有效鎖緊食物的原汁原味，即使不加任何調味醬汁都可以享用最佳風味！單是這樣已做煲仔飯界的「武林至尊」？不！秘密還有其自家特製豬油，大家按個人口味適量加入熱騰騰的米飯裏拌勻，香味爆破！

 

　　天氣凍冰冰，最多人點必定是「豉汁白鱔煲仔飯」！餐廳選用經店內自設魚缸深層淨化2天的白鱔，每天現場生劏，保證新鮮。吃一口，鱔肉肥美，肉質結實，而且滿滿魚油膠質口感，好吃！愛吃海鮮的，還可試試「金銀蒜龍躉煲仔飯」，魚肉鮮嫩肉厚，配搭金銀蒜吃，好惹味！創新一點的，有「芝士櫻花蝦金蠔銀魚煲仔飯」、「海膽安格斯牛肉煲仔飯」、「金銀蒜開邊蝦煲仔飯」等，款款都各有特色，選擇困難症大發！ 

 

　　因應疫情，外賣需求大增，「點煲」更特別推出原個煲仔飯外賣套裝，以保溫不織布袋盛載原個煲仔飯，讓大家即使在家中都可以品嘗到熱騰騰的煲仔飯，非常貼心！

 

豉汁白鱔煲仔飯　$118

金銀蒜龍躉煲仔飯　$118

金銀蒜開邊蝦煲仔飯　$98

 

　　除了一系列特色煲仔飯，煲仔菜亦同樣惹味，其中「砵酒大鱔煲」和「勁辣滑雞煲」最受歡迎，同樣靠「氣味」取勝！前者酒香突出，後者香辣撲鼻，未知味道如何，光聞就已經垂涎三尺，好想吃！

 

砵酒大鱔煲　$138

勁辣滑雞煲　$88

 

　　最後當然少不了代表「籠蒸」派的點心，款款賣相精緻。喜歡傳統點心？有「蟹籽香菇燒賣」，用料十足！「鳳尾蝦春卷」也是好選擇，酥脆鮮甜又不油膩，紅紅的蝦尾露在春卷的外面，夠吸睛！但論搶鏡程度，始終不及「奶皇小豬包」及「真係冬菇包」，造型可愛特別，放入口前一定要先影相打卡呃like！

 

蟹籽香菇燒賣　$22

鳳尾蝦春卷　$22

奶皇小豬包　$22

真係冬菇包　$22

 

點煲

地址：馬鞍山新港城中心2樓2203號舖

電話：2363 3166

營業時間：星期一至日11am-10pm

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】東南亞藝術市場是下一個熱點？一探各地獨特及吸引之處！► 即睇