2023-09-20Photo: 由作者提供
登上天星小輪「世星號」歎半島英式下午茶！在海中心歎招牌鬆餅、草莓卷兼呷香檳！無敵海景、現場音樂、AR濾鏡同小熊打卡，Chill！
請不要小看英式下午茶的三文治製作難度，做得不好的真的令人食之無味，做得出色如這趟「All Things British下午茶」的，足以能貼堂，每款三文治的麵包都具不同口味，而且麵包夠新鮮鬆輕，厚度也十分適中，跟餡料的比例極之平衡，當然餡料也是用得最靚，可見是很精鍊之作，並非一般山寨英式下午茶出品可以比得上。
有多款三文治選擇，全部都做得好好味，同枱朋友邊吃邊力讚。
蛋沙律三文治配鯡魚魚子醬，餡料好麵包又軟。
煙三文魚三文治，內有忌廉芝士及三文魚籽，煙三文魚好有水準，調味也適可而止。
半島招牌英式烘葡萄鬆餅，另配上奶油忌廉，以及冇得輸的士多啤梨果醬
通常伯爵茶都是熱飲，我偏要點冰伯爵茶，卻難不到服務員，沖泡得很好，濃淡適中。
雖則105分鐘的時間看似很長，但如果要不斷打卡又要飲香檳再要吃下午茶，時間上又顯得有點略短，所以要奉勸各位參加者要掌握好時間，要喝free-flow香檳最好上船後立即點選，否則難以享受到任飲樂趣，下午茶上枱後要趕快拍攝，否則趕不及把鬆餅吃掉甚至來不及喝杯Earl Grey，閣下還記得要預留時間聽歌看表演和玩濾鏡……整個過程其實都幾繁忙。
既然英式下午茶已上枱，當然要立即拍張合照。
可另加錢點選擇其他free-flow飲品，包括無酒精的氣泡茉莉花茶以及多款香檳。
有朋友點選了Champagne Delamotte Blanc de Blancs，每位$488可以任飲個夠，一點都不貴。
難得可以集齊四個人一起上船茶聚，一定要好好乾一杯。
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票
