昨日(29日)，在「我係香港人」的專頁中，上載了一位小巴司機的背影照片，並描述關於該名小巴司機的好人好事，一天之內，超過2萬人讚好。

　　一名網友描述兩件該司機值得表揚的事，第一件事是有位婆婆上車，但因唔夠散紙，而向司機道出事實，司機堅拒收婆婆的車費，謂「得啦唔緊要啦無咪下次畀返我」，婆婆問如何把車錢還給他時，他答：「得啦唔駛啦，都認唔到你」，在婆婆下車時，更囑咐她要慢行小心；另一件事就是當網友的母親，一邊狼狽地拿著手推車上小巴，一邊又要拿出八達通，司機二話不說出手幫忙，把買餸車搬到車尾，網友藉放上網向該名司機大佬致敬。

　　不少網友均大讚司機好人，「Dick」認為「小巴司機工作壓力大收入微薄，都不乏好人」；「Kaka」則認為「每個人都應該要有同理心，社會就會和諧得多」；「Mona」則認為「錢是小事，落車幫你搬車仔去車尾先係大事，平時行慢少少，唔鬧爆你都偷笑啦」。其實好多香港人都有善心，不少網友都認為在讚人的同時，不妨想想「好人好事，其實可以由自己做起」，「Ella」認為「做好事其實唔一定等到地震、海嘯或要等窮人來要求救濟，平日擦身而過的事都可以」。

　　部分網友更希望可以公開司機的真面目，不過，有網友反對「起司機底」，害怕好心做壞事，想表揚司機的善，卻會影響到他的飯碗，再者「鄧志堅」認為「通常好人都唔想畀人讚！因為發自內心，幫咗人自己開心就夠，所以千祈唔好開名！」。「Uny」表示「太張揚讚賞可能令人失業，令老闆加閉路電視，該司機失去『靈活性』進行善行(雖然可能都是慷老闆之慨)」，因此，為了不讓老闆蝕錢和可以繼續發揮同情心，「Kwai Ying」認為「可行的做法是下次再搭同一條線同個司機講補返上次的車費，讓公司既無損失之餘，自己又安心」。

　　另外，不少網友亦有分享其他小巴司機的好人好事，「Venus」看過一位值得讓人學習的司機，他會先讓行動不便的老人家安坐好後才開車，或讓那些拿著許多東西的乘客，先坐好，才慢慢找出八達通付錢。不過，事情總有一體兩面，有網友亦分享坐小巴的不快經歷，「Marco」說有些司機不理車上乘客的狀況，「一有位關門即開車」，乘客行慢少少又會係度嘈。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇