2016-10-17

$590 杜拜滋味行（下）

　　香港美食車今年登場，杜拜的美食車熱潮同樣始於今年。延續上期《$3900杜拜喪玩》行程，今日會拆解杜拜的覓食好去處，包括今年5月新開的美食車公園Last Exit，又會走入新商業地標City Walk一帶食平價西餐、豪歎浮誇甜品，用590元食盡4站刺激味蕾，仲包你影到靚靚食物相上載社交網呃Like！

Last Exit美食車公園位處杜拜及阿布札比的公路間，24小時營業，不少自駕遊旅客在此稍事休息再上路。

第1站：西班名店BUBO 食Tapas飲Sangria

【第1站】除了Sangria，也可考慮店員推介的紅橙San Pellegrino果酒。（每杯約56港元）

　　杜拜City Walk是今年3月才開的新區，其中City Walk 2有仿照小倫敦設計的區域，外牆如同歐式建築，而最似的一個位，就係設有紅色電話亭同紅色郵筒，電話亭的背後，就是在西班牙巴塞隆拿擁有4間分店的BUBO餐廳。

【第1站】坦白說，剩係睇相，你點估到此處不是倫敦？

　　BUBO向以創意甜點及朱古力聞名，來到杜拜卻主力推介Tapas等正餐，其中必試的芝士4重奏配風乾豬牛Tapas，有齊煙熏芝士、Trochon芝士、充滿奶香的西班牙Tetilla芝士及羊奶製成Manchego芝士。再叫一杯西班牙傳統果酒Sangria，幻想自己身在西班牙還是倫敦。

【第1站】西班牙海鮮飯有2至5人分量選擇。（2人份，約160港元）

【第1站】芝士4重奏配風乾豬牛Tapas。（2人份，約160港元）

BUBO

地址：City Walk 2, Al Safa Street, Dubai

電話：+971（0）439-887-77

營業時間：10am-12mn

網址：http://bubo.es/en/

第2站：美食車公園狂擦國際小吃

【第2站】美食車彷彿係主題樂園的玩具車，但食物質素絕對有保證！

【第2站】連洗手間都有特別設計，除了洗手盆係車軚之外，開水喉係用腳踏，超好玩！

　　開幕僅兩個月的Last Exit美食車公園，用上50年代美國車廠的設計，十足主題樂園一樣。雖然園內的美食車不能移動，但就一次過有12架造型、車款都不同的復古美食車曬冷，猶如車展一樣！食物方面，由墨西哥卷、西班牙海鮮飯到奶昔、咖啡都有，而且更貼心安排室內飲食區域，等大家即使面對攝氏50度的杜拜，都有得歎住冷氣慢慢食。如果香港美食車想發展得好，真係不妨偷偷師！

【第2站】拿着棉花糖呍呢拿奶昔在扮加油站的門口拍照。（車名：The Hot Dog Stand）（約54港元）

【第2站】雞肉墨西哥餡餅（車名：Poco Loco）（約45港元）

美國遊客：「猶如樂園的設計，集合不同美食車款，當然比街上只得一部吸引得多！」

Last Exit Dubai

地址：E11, Last Exit Dubai

電話：+971（0）800-637-227

營業時間：24小時

網址：www.lastexit.ae

第3站：Brass Coffee 當地潮人熱捧

【第3站】身處熱辣辣的杜拜，必點加上呍喱嗱雪糕的Espresso。（約43港元）

　　Brass Coffee & Community是被杜拜潮人追捧的咖啡店，更加被當地人氣Blogger Nyree McFarlane評為「最佳Instagram影相之Cafe」。店內以粉藍及黃銅色為主色，用上不同木色的設計座椅，主力用上自然光照明，坐下來喝杯咖啡，令人放鬆得不想起來。餐單從顧客感受出發，標明店內使用的5種咖啡豆產地、口感及濃味程度，如果有疑問更可詢問咖啡師，店員會親切地解答。