【另類轉工】想改變現狀必睇！打工仔收到奇怪來電千祈唔好Cut線

　　而家社會變化同流動得好快，公司同公司之間嘅競爭越嚟越細，因為香港變成只有幾位「終極boss」控制全港企業，流動資金已經變左「左手出完右手入返公司袋」。係呢個彈丸之地，除咗可悲嘅資金最終都要因生活而落入大財團手上之外，個人資料亦都係另一個於集團間擅自傳來傳去嘅個人資產。所以大家成日會收到甚麼「生活網」、「順豐」嘅呃人又煩人嘅Junk Call。如果遇著阿姐我心情好時，就講埋拜拜先Cut你線，遇著心情唔好果陣，分分見到個來電已經cut線。不過，近排有個經歷，令我發現原來junk call都唔係咁junk，仲分分鐘改善到你而家嘅生活！

 

 

　　話說大家拎完Bonus，緊係心郁郁想跳槽或出去試下市價架喇～所以唔少同事都加入左搵工軍團嘅大家庭。而我，就因為太過好食懶飛了，CV都唔想執，只係喺LinkedIn status 變為「open candidates」 就未有進一步行動。睇見各位健康強壯嘅同事連番拎sick leave、甚至有offer嘅同事遞信出去展翅高飛，老納都感到老懷安慰。見到大家為事業拼搏出新機會咁高興，平時見到冇來電或奇怪來電嘅我，有日破例地接起個來至西班牙嘅陌生來電….

 

　　「喂？」

 

　　「Hello, good evening, may I speak to XXX please?」

 

 

　　西人嚟嘅喂？仲唔係跨國式詐騙集團？同佢傾多兩咀之後，發現原來電話來自間人人都知曉嘅外資公司。當時我同大家一樣心存疑惑，冇啦啦點解佢地會有我嘅聯絡方法嘅？原來本小姐咸豐年入職現公司前，向head hunt提供嘅個人資料被左傳右傳，甚麼「保留6個月後會被銷毀」嘅T&C已經無用，因為係我在職期間，我嘅個人資料係唔同行業、唔同公司間不斷買賣流傳，一人keep半年分分鐘傳到我退休年齡都得！最終到咗今日，當我嘅LinkedIn狀態變為「open candidate」時，我都唔知係head hunt搵外資公司定間公司直接聯絡我，就促成左一個簡單嘅轉工interview！

 

 

　　雖然當我知道我嘅個人資料外泄左有啲擔心（其實好擔心），但今次經歷於打工仔角度令我發現，原來當你有運時，Junk Call都可以變貴人嘅來電，而我亦因為今次經歷，見到任何奇形怪狀嘅來電都會接電話，假如真係junk call嘅，咪byebye之後cut線囉，起碼唔會沒殺左個機會先！不過，作為香港居民嚟講，我諗我要處理一下我嘅私隱問題！！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇