《Online有話兒》世衛專家往中國調查病毒臨行折返，譚德賽：非常失望

 　　世衛幹事長譚德賽係處理呢次新冠疫情上面，經常惹來評擊，有人話佢偏幫中國，甚至令美國嬲嬲哋係上年暑假退出埋世衛，國際政治真複雜。不過，正當世衛想帶班科學家去中國調查病毒起源時，中國暫時仍未能確認入境安排？乜嘢原因呢？

 

 （Shutterstock圖片）

 

尚未獲許可簽證，譚德賽表示失望

 

  （Shutterstock圖片）

 

　　譚德塞係世衛例行記者會上，罕有表示：

 

　　「我感到非常失望。」

 

　　佢指專家組原本已有兩位成員啟程前往中國調查新冠病毒起源，而且呢個係世衛一早同中國傾好嘅安排，不過由於入境所需許可雖獲中方表示會加快內部作業程序，但目前仍未有最終確定。譚德賽表示：「我哋渴望盡快完成任務。」而中國外交部上月曾稱，中方願意與世衛加強合作．推進全球溯源工作。

 

世衛已證實新冠病毒有4款變種，傳染力更強

 

  （Shutterstock圖片）

 

　　其實呢場疫症點解咁恐怖，係因為佢識得變種！據世衛公佈，目前新冠病毒有4款變種病毒出現，其中部分傳染力度更強，但暫時未有證據顯示能引起更嚴重症狀，所以唔會改變現時治療方法。

 

　　外界估計，呢次世衛前往中國，有機會就「武漢華南海鮮批發市場」嘅早期病例展開流行病學第二階段研究，從而理解病毒傳播方式以及病理機制，對於點樣治療新冠病毒有一定程度幫助。最理想就梗係搵到「零號病人」，不過有學者質疑病毒起源係咪來自批發市場都係問號，所以有一定困難。而中國外長王毅稍早就指，疫情可能係全球多地多點爆發。

 

牛津大學醫學教授：疫苗未必擋到南非變種

 

  （Shutterstock圖片）

 

　　點解話邊變病毒咁恐怖呢？因為牛津大學醫學教授貝爾（John Bell）向外界表示：

 

　　「由於南非變種病毒係突刺蛋白結構出現重大改變，而新冠病毒係依靠突刺蛋白入侵人類細胞，目前市面嘅疫苗都係針對病毒突刺蛋白設計而成，如果結構改變，疫苗就有機會失效。」

 

　　咁而家人類有咩可以做呢？唯一做到就係延緩病毒擴散，大家記得繼續戴口罩、勤洗手、保持社交距離，無咩事就唔出街，抗疫齊心先可以戰勝病毒！

 

撰文：李皆穎

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票