識慳靚太 為仔仔網購筍貨 買幾件已慳$5,000

　　【晴報專訊】新世代媽咪要兼顧工作及家庭，難得有購物時間。有潮媽索性組團轉攻網購，專買海外優質兒童產品，更發展為一門生意。在網上掃外國名牌，已成為不少潮媽的習慣，只要看準折扣季及產地掃貨，買幾款產品已慳5,000元！

  

 

　　「日日加班兼湊仔，忙到無時間Shopping！」是不少在職媽媽心聲。29歲、自稱「Shopping怪」的Rachel說：「無時間逛街只好網購，買多了便發現美國減價季原來最少有七折，款式獨特，平過香港。」擅長找筍貨的她，吸引到不少朋友問意見，並齊齊掃貨，後來更發展成事業。

 

轉行接訂單 親子時間更多

 

　　去年她開辦fb專頁「Shopping Tai Tai/靚太掃貨團」，一年已儲到4萬多宗訂單，現時租用800呎辦公室及聘用5名員工。Rachel笑言：「過去做管理工作，忙到連仔仔發燒都無法照護，現在轉行做生意，也是想抽空陪家人。」

 

　　談及掃貨秘訣，她說名牌未必貴：「香港一般牌子的童裝賣300、400元，但網購美國Polo衫仔才百多元，質料佳，安全亦有保證。」

  

Cherry（右）稱，因育有一對孖仔，嬰兒用品亦要「開雙」，網購能慳更多。

 

　　開設fb專頁「荔枝與孖寶」的知名博客Cherry則指，平日忙着照顧一對孖仔沒空購物，平均每兩個月便上網掃貨最少2,000元。

 

Cherry教路，按商品的產地，搜索其生產國網站購買，方為「至抵價」。

 

  

Cherry稱，一對孖仔有特別喜好，所以要特地搜羅「絕版貨」。

 

　　城大商學院副教授梁偉強提醒，網上團購有一定風險，要留意團購的付款方式及商譽；而在fb組團，亦要評估買到假貨或次品的風險。

 

 

 

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情