十位閨蜜的性事分享

　　有人說，女人之所以迷人，是因為我們能夠集感性與性感於一身。談情談得多了，不如轉個話題說說性吧！閨蜜之間的私密語，就由浴室開始談起……

 

　　A：「我最Enjoy同男友一齊浸浴，大家唔單止身體赤裸，就連話題都一樣赤裸裸。我哋唔一定傾性嗰方面，反而係將大家好多平日收收埋埋嘅心事攤出嚟講。」

 

　　B：「其實我喺床上幾鍾意被人粗暴對待，有時甚至會幻想對手不斷用粗口侮辱我；如果我同男友講，佢一定覺得我傻咗，我呢個小小嘅癖好只可以放喺心入面。」

 

　　C：「唔知你有無試過做愛途中發覺男伴想拎手機影相或者拍片，呢個時候一定要反抗，否則外洩就喊都無謂！唔想即時發難，又或者驚破壞氣氛，都要留條底線畀自己，就係千祈千祈唔好俾佢影到個樣！」

 

　　D：「以前細個唔太注重內衣，但自從試過畀Ex取笑我嘅內褲似梅菜，我即刻換晒全屋嘅內衣褲，仲買定啲Lace性感款看門口㖭！」

 

　　E：「幾懶都好，唔好忘記脫毛！因為除咗觸感同視覺問題之外，毛髮本身亦都相當吸味，處理得唔好會令整個過程大打折扣。」

 

　　F：「我唔介意男友睇AV，反正有時我都會以切磋學習嘅心態睇埋一份；見到女主角嘅反應，自然明白性事唔一定要表現得好含蓄被動，而男人亦會欣賞你識得點樣享受過程。」

 

　　G：「原來呢個年代依然仲有好多女人想Bump大個肚逼男友結婚，當然亦有唔少男人就範。但肯結婚嘅，好多時都只係為咗個小生命，同係咪愛個女人唔一定有關。」

 

　　H：「有段時間我同老公少咗親熱，起初我有些少介意，以為對佢嚟講自己已經無咗新鮮感同吸引力，仲疑神疑鬼怕佢有另一個女人。後來搵機會坦承咁同佢講我點諗，佢亦都解釋返因為公事令佢好心煩，個人壓力大咗慾念都大減。女人都要理解男女雙方生理結構的確係有分別，我哋嘅狼虎之年同時亦係佢哋體力開始下降嘅時候，兩個人盡量嘗試協調一下吧！」

 

　　I：「我平日打扮好Casual，鍾意化淡妝，著衫都好隨意，事關我好怕俾男人覺得我妝前妝後兩個樣，同埋如果平日慣性加厚Pad谷胸，萬一有日真係玉帛相見嘅時候，好驚對方會覺得被騙。」

 

　　J：「其實我好在意對方完事之後嘅舉動，會唔會即刻瞓覺，抑或願意陪我傾一陣偈？曾經有個Ex佢會主動幫我著返件衫，佢話幫我除又幫我著，咁有手尾就係乖孩子，好Sweet 㗎！」

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【年度感謝祭】維柏健及natural Factors全線2件7折► 了解詳情