習慣享受：和富二代分手有代價

「其實同富二代拍拖，無大家諗得咁好。」她面有難色的說。

 

「點解呢？」我直白的問。

 

「始終少爺仔，要就佢、聽佢話，仲要受佢嘅脾氣...。」她嘆的口氣，感覺是真的。

 

　　感情別只看表面，交個富二代男友，人生順利升呢，等如過得好？一個被捧慣在掌心的少爺仔，從小要風得風，身邊盡是寵他的人，或多或少都養成唯我獨專的性格。平時趾高氣揚呼喝她，責罵冷戰不斷，他也從不認錯。

 

「佢對我唔係好，係有諗過同佢分手，但都無做到。」

 

「對你唔好，唔駛諗啦！」我覺得女人該被寵，不只是物質上。

 

「我唔捨得架...慣咗目前嘅生活，分手未必會遇到個好過佢嘅人。」她乾笑了聲，繼續坦白：「離開佢，我咪要打回原形，哈。」

 

　　分手當然會捨不得，然而難捨的不是相愛過的回憶，他的好太吸引 - 雄厚的背景身家為她帶來不少好處，出入高級場合、品嚐美酒好西、出入專車接載，要是悶了便隨時不計成本飛轉日本、歐洲，掃名牌買靚衫。埋單洗費他一力包辦，她連打開銀包都不用，豪遊豪花，慣了啦。平民情侶去的茶餐廳、快餐店、拉麵、放題、坐巴士港鐵、存幾個月錢才去一次飛日本，什麼啊？！富二代不懂，富二代女友更不想懂。

 

　　眼前的物質享受太美好，愛不愛已不是重點？享受他給的生活，理應接受他的狀況 - 包括承受壞脾氣和態度，打不還手，罵不還口，別多哼一聲，最好學會笑臉迎人。

 

　　明知不好，卻不為，分手代價不只是回到一個人，而是一併放棄眼前的高檔生活，吃好住好。從天堂回到地面，回到現實靠自己也太為難吧，過得好是難以回頭的。要維持現有的生活質素．為生活、為物質，為錢...反正這個男人的優點是有錢有家底，放棄一大金主，別傻啦！分手別說，忍，繼續忍，當等價交換，接受吧。

 

　　「佢唔好，脾氣差又花心...不過佢有錢嘛。」這句話可是多少富二代女友的心聲？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好