「未ready一齊」是藉口還是事實？明知不開心，還要繼續？

「我都唔知點解仲想同佢一齊，唉。」

 

「未一齊已經苦口苦面。」我見她開口埋口都是他，但從來無好事。

 

「佢對我態度好飄忽，好似唔在意我咁，唉。」

 

「其實你鍾意佢啲咩？」

 

「佢好識講嘢哄我開心，但當佢刻意唔理我，同其他女仔flirt，我就會好sad。」

 

　　他們已曖昧一段時間，他一直說未ready。到底是未想一齊，還是不夠鍾意？

 

「佢飲醉單嘢，你唔記得啦？」

 

　　上次他醉酒，有心無意的摔她電話，將酒潑在她身上，事後卻說無印象，一句道歉都沒有，無酒品很難頂，不在乎的樣子也清楚不過吧。

 

　　我一直奇怪，他有甚麼值得她喜歡？！平時的花言巧語有甚麼用，有幾真心？

 

　　這段關係明顯她喜歡他較多，而忽冷忽熱的他根本不太上心，多個人對自己好，why not？未一齊已如此，之後哪會有好日子。

 

「你仲想一齊？」我忍不住一語道破。

 

「或者我真係鍾意佢。」

 

「就算唔開心多過開心，都想一齊？」

 

　　一句「鍾意」不是萬能，早知一起不會有幾開心，就麻煩斷、捨、離。懂你，會逗你笑的男人，比甚麼都重要，笑著打鬧，比起為他疑惑不安，灰爆的日子好得多，至少肯定省了一堆護膚品，幾層化妝品，都保證你又笑又美。

 

　　如果不開心已經比開心多，還要留戀嗎？見壞就收，我們都要學會。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票