【小薯逗利是錦囊】唔想一開年就得罪腦細？熟讀8大拜年禁忌

6. 忌講老套祝福語

 

 （截圖自《富貴逼人》）

 

　　拜年講嚟講去都係「恭喜發財」、「身體健康」，就算你唔悶，腦細都聽到耳生繭啦！嗱，一於趁豬年學返幾句同「豬」有關嘅吉祥話，就好似：「豬」事如意、「豬」籠入水、妙語如「豬」……

 

Read More：【拜年必備】唔想對住新戚朋友口啞啞？ 5套有能量的新春賀年語你要知

 

7. 忌逗留時間太長

 

　　喺公司拜年，一般都係講句「恭喜」就ok，最多都係傾多幾句喺啱啱過咗嘅假期做咗啲咩，盡量都唔想阻礙到大家做嘢。同腦細拜年亦一樣，雖然腦細通常都會問多大家幾句「新一年有咩新目標？」，但大家畀個大方向就好，切忌為求表現大講特講，如果唔係真係會聽到腦細頭都痛埋……而且外面仲有好多同事等緊㗎！

 

8. 忌當面拆紅包

 

（截圖自影片《新年特備節目-拆利是》@ ThisDV）

 

　　收到腦細封利是當然好開心，唔少打工仔仲會好心急想知道腦細有冇好「闊佬」咁封包大利是畀自己！但開心還開心，千祈唔好拎轉面就即刻拆利是呀，非常唔禮貌㗎！不過小編見過有腦細同員工玩「抽利是」遊戲，利是面額有$20、$50、$100、$500等，抽到$20嘅話，就可以即時抽多封，如果係咁嘅話，就唔同玩法啦！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情

• 1
• 2
• 3