【笑中有淚】道盡「扮工」精神！過年必定翻煲的10套經典賀歲片

　　新年將至，除咗食團年飯、行花市、拜年逗利是之外，睇賀歲片絕對都係過年嘅另一指定動作！唔想新正頭入戲院逼餐懵，不如留喺屋企重溫那些年的經典賀歲片，一樣可以開開心心笑餐飽。即睇小編嘅10大推介，包你睇戲嘅同時仲可以學埋「扮工」精神，新一年喺職場如魚得水、心想事成！

 

1. 《喜劇之王》

 

　　扮工金句：「精神啲，臨時演員都係演員。」

 

 

　　早前，由周星馳執導嘅賀歲新片《新喜劇之王》釋出預告片，翻炒多個《喜劇之王》嘅經典畫面，令人忍不住想一再回味呢齣經典好戲！

 

　　雖然《喜劇之王》笑點多多，但望住尹天仇（周星馳飾）醉心戲劇表演卻始終無人賞識，心裏不由得慨歎職場「有志難伸」嘅殘酷真相。好彩尹天仇最後都做咗一個最佳嘅追夢示範——頂住旁人嘅冷嘲熱諷、堅持不輸掉自己身為一個演員嘅專業（茄喱啡都要演技！）。所以就算你喺公司只係一個無得say嘅小薯仔，又或者一個被人投閒置散嘅老員工，都要用心打好份工，咁先對得住自己！

 

2. 《嚦咕嚦咕新年財》

 

　　扮工金句：「愈爛嘅牌，愈要畀心機打。」

 

 

　　同親戚朋友「大戰四方城」絕對係過年嘅必備節目，再睇埋呢套以打麻雀為主題嘅《嚦咕嚦咕新年財》，成個package無得頂呀！

 

　　劇中「麻雀大俠」（劉德華飾）打遍麻雀枱無敵手，偏偏被前女友詛咒「舖舖摸爛牌，要嗰隻冇嗰隻，出沖，包大牌，叫糊叫死糊，求上不得，求碰不能，一舖清袋，永無翻本之日」，結果就一直輸錢輸到傾家蕩產。雖然係咁，佢依然冇放棄過「人品好，牌品自然好」嘅信念，就算打逆境牌，都堅持要盡力打好佢。呢份逆境自強嘅精神放喺「扮工室」一樣啱用，尤其係當身邊人盡是豬隊友、狼上司，只能靠自己；甚或再慘啲，面對減薪、失業，都要沉著「應戰」，直至曙光出現。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2
• 3
• 4
• 5