【後日截止】量體溫可月入1.6萬？衞生署聘健康監察督導員

　　正值轉工旺季，唔知大家有冇留意到，政府又出筍工啦！今次轉到衞生署招聘「健康監察督導員」，月薪都有成萬六蚊，合約期就一年，但做滿一年後就可以拎到萬二蚊約滿酬金！後日（3月15日）就截止申請㗎啦，要申請就快啊！

　　據了解，健康監察督導員嘅工作主要係負責喺各出入境口岸執行與港口衞生有關的職務及規管工作，包括為過境旅客量度監察體溫、管理24小時運作通訊及支援中心、協助處理公眾查詢，並調查與衞生署執法事宜有關嘅投訴等。

DSE畢業即可應徵

　　想打筍工？咁就要留意入職要求啦！只要大家喺香港中學文憑考試有五科考獲第3級或同等或以上成績，或具同等學歷，並具備至少兩年全職擔任督導人員嘅工作經驗；或在香港中學會考有五科考獲第2級／E級或以上成績，或具同等學歷，以及具備最少五年全職擔任督導人員嘅工作經驗等，即可申請！

　　若擁有良好嘅人際關係技巧和溝通技巧、具客戶服務經驗，以及能操流利廣東話及英語，通曉普通話者更佳。不過大家留意返，「健康監察督導員」需要輪班當值同不定時工作；並要喺落馬洲、紅磡、文錦渡、沙頭角等偏遠地方執行戶外職務。即使喺颱風襲港期間及發生其他緊急事故時，仍要執行職務。詳情及申請可留意政府職位空缺查詢系統。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

樂本健【雙11感謝祭】雙重優惠、多買多賞► 了解詳情