獲MIRROR三子拜年 汪明荃讚Edan羅家英夠合拍

　　【晴報專訊】汪明荃（阿姐）、羅家英及謝雪心等昨日出席《香港八和會館癸卯年新春團拜》，適逢今年香港八和會館成立70周年，提到年中理事會將會換屆，問阿姐會否留任？她說：「我要考慮，不經不覺都做咗20年，應該畀機會其他人。（不捨得？）唔會，有啲嘢其他人做應該會更適合，我都會再考慮下。」

阿姐與家英哥留港度歲，相約不少親友團拜。

　　另外，MIRROR三子呂爵安（Edan）、盧瀚霆（Anson Lo）和李駿傑（Jeremy）齊齊到阿姐及家英哥家中拜年，Edan與家英哥來個小提琴及二胡合奏，兩代藝人一起唱賀年歌。阿姐大讚眾人十分合拍，「佢地唔識唱《歡樂年年》，但係又識唱《迎春花》。」將來會否合作？她坦言：「未諗，因為大家唔同電視台，不過幾有緣，家英哥好似大細路，三個後生仔又乖。我煮咗好多賀年食品，好似上海糭、花旗蔘雞湯、蘿蔔糕等。」

家英哥與Edan合奏，氣氛開心融洽。（IG圖片）

轉載自: 晴報

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票