腸胃不適半個月 胡鴻鈞日屙3次仍力保腹肌

　　【晴報專訊】胡鴻鈞前晚出席無綫《勁歌金曲》錄影，近日腸胃不適的他，出門前因肚瀉而姍姍來遲，更自爆每日至少狂屙三次，雖然屙到腳仔軟，但幸好辛苦操練的六嚿腹肌仍完好無缺。

 

胡鴻鈞希望保持每星期做三、四次gym。

 

　　胡鴻鈞、陳展鵬及泳兒等前晚分別在《勁歌》中獻唱新歌，遲到的胡鴻鈞解釋是因突發性生理需要︰「我呢大半個月腸胃唔舒服，可能之前拍電影要操fit，食得太清淡，之後食番正常嘢就屙，一日至少屙三次，頭先臨出門個肚都蠢蠢欲動，需要時間解決，所以遲咗嚟。（驚上台唱歌會「作動」？）希望腸胃乖啲，陣間臨上台會去多次廁所先。」他自覺是腸胃敏感，若情況持續才就醫。

 

　　雖然不斷肚瀉，但胡鴻鈞早前操練的六嚿腹肌仍然「健在」︰「操得好辛苦㗎，唔想咁樣無咗，我影咗啲相留念，適合嘅時間就可以同大家分享。」他指粉絲最想看他的濕身誘惑，但他有自知之明，故未考慮出寫真，「之前我講過如果歌曲《沒身份妒忌》MV點擊超過100萬，我就會騷肌，我會喺最適當嘅時間兌現，總之有拖無欠，好嘢係要等嘅。」

 

陳展鵬否認單文柔有喜

 

陳展鵬與糖妹合作拍劇結緣，不時交流練歌心得。

 

　　同場的陳展鵬透露拍攝新劇《童時愛上你》時，獲糖妹推薦用私家咪練歌，他大爆愛女「小豬比」會跟他爭咪唱。他大讚愛女有唱歌天份︰「佢識哼我首歌《零歲》嘅旋律，音樂才華叻過我。（父女檔合唱？）可以呀，佢喺屋企見我彈琴，佢又會唱。」提到太太單文柔因有包包臉，被網民追問是否有BB，展鵬否認道︰「唔係，老婆不嬲有啲baby fat，生B就隨緣，如果有都好開心，就會再忙啲囉！」

 

單文柔因包包臉而被懷疑有喜。（IG圖片）

 

轉載自: 晴報

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇