回帶《聲夢》之旅 最感激親人護航 炎明熹讚姑丈周身刀

　　【晴報專訊】無綫歌唱真人騷《聲夢傳奇2》正進行招募，近日找來第一輯學員如炎明熹（Gigi）、何晉樂（Rock）等，分享參賽期間的心路歷程。年僅16歲的Gigi在片段中盡見真性情，問及最感謝的人，她大讚全程照顧她的姑丈肯犧牲兼乜都識，更搞鬼稱︰「做人唔可以咁犀利，會天妒英才！」

 

 

　　無綫「See See TVB」FB專頁日前上載《聲夢》首屆冠軍Gigi的訪問片段，她分享因參賽改寫人生的經歷，又鼓勵年輕人參加《聲夢2》。現為中五學生的Gigi，回想決定參賽，除了因報名費用全免，亦被當時的「太空人」廣告吸引。她說︰「因為喺電視睇到個太空人，起初唔覺得呢個係唱歌比賽，太空人又關唱歌比賽事？好好奇咁我就參加囉，仲係一個咁好嘅機會，到依家都無後悔。」Gigi又透露，參賽時看到其他學員一直進步，反而自己碰到樽頸位，沒想到成功走到今時今日。

 

Gigi受訪時舉起大拇指兼笑笑口，一洗cool爆形象。（網上截圖）

 

刻意加手部動作免冷場

 

Gigi與姑丈感情深厚，每次出騷也有這位至親陪伴左右。

 

　　問到在比賽過程中誰最幫得手？Gigi一如所料讚揚姑丈最抵錫。她說︰「姑丈喺呢個比賽入面，為我犧牲咗好多嘢，我發現佢咩都識做少少，但執自己個樣就唔係幾掂。」提議Gigi為姑丈做形象指導，有「火星女孩」稱號的她即大講「火星話」，令人摸不着頭腦：「做人唔可以咁犀利（厲害），會天妒英才，所以佢唯一唔得係個樣。」工作人員戲言不少人讚姑丈靚仔，Gigi只尷尬附和︰「係！靚仔。」短片中，Gigi經常手舞足蹈動作多多，不似過往般目無表情，她笑說︰「我可能知道自己講嘢比較尷尬，所以加啲手勢，令個畫面無咁尷尬！」

 

Gigi上月聯同一眾學員舉行四場《聲夢》畢業騷，當時一票難求。

 

何晉樂暫緩結婚大計

 

Rock自揭參加《聲夢》全因在街頭busking到極限，希望在音樂上尋求突破 。（網上截圖）

 

　　另外，《聲夢》五強之一的Rock亦有拍片，Rock說︰「參加完比賽個人自信咗，每樣嘢都盡力做，呢條路一定難，但咁多人幫得手，呢條路唔孤單。」他直認想過「縮沙」放棄參賽︰「入電視台玩比賽係一種，如果想入行唱歌，呢度係一個好好嘅起點。」任職理財策劃的Rock，被問到若無參賽會做甚麼，他說︰「我應該好畀心機返緊工儲錢，想快啲搬出去，有自己家庭，呢個節目令我大計推遲少少！」

 

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇