為事業衝刺日睡4小時 Anson Lo︰我似阿牧咁百分百投入

　　【晴報專訊】男團MIRROR成員盧瀚霆（Anson Lo）憑ViuTV熱爆劇《大叔的愛》的阿牧一角，吸納大批「神徒（粉絲）」，他本月初26歲生日時，引發全城大規模的「教主誕」賀壽活動，人氣攀上新高峰。出道兩年多的Anson Lo面對爆紅時刻，工作忙得沒時間休息，但即使每日睡眠不足，愛錫粉絲的他總會努力爬文追po，希望從大家的留言中獲取意見，好讓自己進步。

 

 

　　Anson Lo在《大叔的愛》飾演暖男阿牧，為阿田（Edan呂爵安飾）無私付出，令觀眾大呼心痛。Anson Lo獻唱的片尾曲《不可愛教主》，曲風有別於教主以往節拍強勁的跳舞歌，反而是帶R&B風格的抒情小品，令神徒聽到心臟麻痺冧到暈。Anson Lo說︰「今次係幾罕有嘅嘗試，呢首歌出發點係嚟自阿牧，因為我自己嘅青春時代同阿牧好唔同，所以錄音時都係回想起阿牧同阿田嘅甜蜜回憶，例如喺大澳拍拖或屋企嘅生活小日常，一齊刷牙之類，幻想阿牧嘅聲線會點樣演繹呢首歌。」

 

Anson Lo在《不可愛教主》MV中有出浴鏡頭，他昨日在電台節目自爆拍攝時僅穿內褲上陣，主持小儀聞言勁興奮。（影片截圖）

 

聽取意見減少濃妝

 

Anson Lo與Edan在《大叔的愛》的「牧田CP」甜蜜又虐心，吸納大批新鏡粉。（IG圖片）

 

　　Anson Lo坦言沒想過《大叔的愛》引起廣泛關注，大家追劇之餘，更非常投入劇中角色，「我有啲唔好意思，令大家為我角色感到唔開心，我好感激，亦留意到大家好投入，每次我喺社交平台分享拍劇感受時，的確比以往多人留言回應，多謝大家支持。」他對阿牧的感覺特別強烈，在拍攝過程中代入人物性格，反而令他從中學會阿牧待人處事的價值觀，令他慢慢意識到要顧慮到身邊人的感受。

 

Anson Lo感激神徒對他一直以來的全力應援。（IG截圖）

 

　　《大叔的愛》播放期間，Anson Lo一直留意外界反應，同時在社交平台追po睇留言，以便收集大家意見，心臟強大的他，無論好與壞的評論一樣全單接收，「大家鍾意咩、唔鍾意咩，或者有人留言話唔鍾意我厚妝，其實都係一個途徑畀我知道，我自己再去分析係咪合理、使唔使去改善。」他汲取意見後，近來都刻意以淡妝示人，雖然他昨日在電台節目中笑指，有人覺得淡妝的他看來較累，但獲主持森美大讚他頹一點的眼神別有味道，證明聽取意見便是進步的開端，從而發掘更多可能性。

 

犧牲與家人相處時光

 

與父母及胞姊感情要好，現時少了一家吃飯的時間，Anson Lo改為更緊密聯絡家人，維繫彼此感情。（IG圖片）

 

　　馬不停蹄的工作，令Anson Lo的休息時間愈來愈少，但他仍覺享受。「每日只係瞓到三、四個鐘，我已經習慣咗，有四個鐘瞓覺對我嚟講已經係好幸福嘅事，總算叫有啲休息。畢竟依家係衝刺時期，唔通同公司請假去瞓覺咩？咁樣好唔合理，既然咁幸運得到機會，就爭取花更多時間去做好每個工作。」最令他感到內疚的，是為工作而犧牲跟家人相處的時光，連「教主誕」也未能跟家人食飯慶祝。「今年慶生嘅數量同規模係令我驚訝又甜蜜，感覺好似全城都為我慶祝咁，大家都好窩心。其實以往每年生日都會同屋企人食飯，但入行後同家人聚會嘅感覺由100突然變到零，媽咪成日問我幾時有期食飯，但我睇行程表，真係無一晚有空檔。」他惟有找其他方法彌補，例如多點和家人傳短訊，主動交代工作進度，以免家人為他擔憂，認真乖仔！

 

　　Anson Lo這位巨蟹小子重感情，當然不單止在家人身上，他愛錫粉絲的程度，絕對是令神徒無法自拔的原因。他特別借今次《晴報》訪問，道出對神徒的感激之情，「你哋所做嘅事、付出嘅一切時間同心血，我都看在眼裏，感激大家。我承諾喺未來唔同作品上面，會好似阿牧一樣咁百分百投入，畀大家睇到有更多唔同可能性嘅Anson Lo。」

 

舞技精湛的Anson Lo，在舞台上顯得特別耀眼。（IG圖片）

 

轉載自: 晴報

• 

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇