鄭秀文預告明年「入五」匿埋慶祝

　　【晴報專訊】鄭秀文（Sammi）下月49歲生日，她笑言明年便要「入五」（50歲），所以會趁最後一年「四字頭」盡情去玩，計劃跟大班朋友一同慶祝，不打算跟老公許志安二人世界。

 

型格現身的Sammi，一提老公許志安即帶點怕醜。

 

　　鄭秀文前晚一身異國風情的打扮，戴上藍色隱形眼鏡，與汪明荃、徐濠縈等齊齊出席時裝活動，造型令人耳目一新。提到下月19日便踏入49歲，Sammi笑說：「話晒都係最後一個四字頭嘅生日，我要喺『入五』之前盡情玩，正日應該放假同家人朋友慶祝，會約大班朋友歎清酒。到出年『入五』我就低調啲，匿埋一角啦！」與老公許志安撐枱腳？她笑說：「我比較鍾意同屋企人、朋友一齊。」提到安仔近日不時分享彈琴片，Sammi指安仔一向喜歡玩樂器，自己興趣不大，反而兩夫婦都喜歡看書。

 

笑母親似出籠獅子

 

Sammi早前分享母親食車仔麵的短片，盡顯對家人的愛。（IG截圖）

 

　　另外，早前Sammi買車仔麵給母親品嘗，她開心說：「我媽咪80幾歲，係佢人生第一次食車仔麵，佢好開心。爸爸又唔喺度（過身），所以要珍惜一齊相處嘅時光，得閒我都會帶媽咪去新嘅地方，原來有好多地方佢都未去過，佢好似一隻出籠獅子咁，玩得好開心。」

 

一身高貴打扮的汪明荃（左），以招牌「汪阿Tag」標註徐濠縈。（IG圖片）

 

　　工作方面，Sammi剛拍完新歌《新造的人》MV，以及籌備新唱片：「成個MV可謂不惜工本，我用咗差唔多20個鐘拍攝，雖然拍到凌晨四、五點先收工，但係成個人好提神，因為真係好耐未試過有咁大嘅製作。」她又透露剛拍完新電影，下月亦會推出一個與音樂有關的項目，她說：「依家我學識咗工作時工作，遊戲時遊戲，會好好享受人生。」

 

轉載自: 晴報

• 

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票