2019-12-25

羅蘭胡楓心繫演藝不願停步

　　【晴報專訊】要數電視熒幕中的銀髮族，一想就會想到胡楓（修哥）和羅蘭這對可愛的寶貝，無論是拍劇或者做節目，他們總是合作無間。由黑白粵語片年代至今，胡楓和羅蘭大半生都在萬紫千紅的演藝事業當中拼搏，得到的除了是大家的掌聲外，更是滿滿的成就感。

　　修哥和羅蘭早前獲邀到山頂一家懷舊冰室拍攝廣告，面對仿照昔日雍雅山房而設計的戶外餐座，他們都不禁緬懷一番，不少回憶都湧上心頭。

為入影圈離家出走

兩人在仿雍雅山房的環境下談情。

　　修哥說︰「當年成日去雍雅山房拍戲，那時望向馬鞍山那邊，成個山頭仲有光禿禿。當時的對手好多，蕭芳芳、林鳳、南紅、陳寶珠等等，多到數唔到。」而羅蘭姐以往大多數演奸角，比較多跟正義的呂奇對戲，她表示當年在雍雅山房的小橋上談情說愛，非常浪漫，可惜一切已經事過境遷，修哥安慰她說︰「滄海桑田一切都慢慢會改變，無咩可惜，有懷舊的感覺就好啦！」

廣告中，修哥和羅蘭姐飾演一對非常恩愛的老夫老妻。

　　兩人都是年紀輕輕時就加入影壇，當時家人都極力反對，沒想到修哥當年都有反叛的一面，他說︰「爸爸一直對我管教好嚴、好惡，一有唔啱就會鬧我同打我，所以由細到大都好敬畏爸爸，後來我要入行拍戲，他是絕對反對，但我目標是想拍戲，所以我無聽他的說話，走了出來，即係所謂離家出走，到我真正去拍好電影，爸爸知道我不是搞搞震，才原諒我。你問我有無入錯行呢？幸好，到依家為止，我都覺得幾好啦！」

妙法解除媽媽擔憂

　　羅蘭是天主教徒，其母當年很擔心女兒入行，羅蘭姐說︰「媽媽梗係擔心啦！以前有句說話︰『貪威識食、練精學懶嘅人就去演戲啦！』」幸好羅蘭叫媽媽一齊去片場，當見證到她只是拍戲，沒有亂交朋友或者只顧玩樂，後來媽媽才總算放下心頭大石，放心讓女兒去演戲追夢。

拍攝廣告當日，修哥的曾孫女都有來探班。

　　修哥最令人印象深刻的是專一的感情，修哥和太太呂詠荷多年來都恩愛非常，兩人育有五名子女，現時連曾孫都有，福氣滿滿。原來羅蘭姐都認識詠荷姐，當時她們一齊在工展會工作，修哥會來接詠荷姐收工，羅蘭姐說︰「我覺得呢個男人都幾好，而且佢同詠荷都係第一段感情，能夠一路走落去，非常難得。」修哥說︰「拍這麼多愛情片，愛上對手就梗係有啦，戲入面真係好鍾意、好鍾意對方，不過導演一嗌Cut，之後就你還你、我還我。夫妻之間，最重要是大家互相忍讓，一個認下低威無所謂，兩個人之間的事，我認低威時又唔會有其他人見到，大家忍讓體諒啦！」修哥太太呂詠荷2016年因病離世，對修哥而言打擊非常大，幸好有家人陪伴，他其後亦繼續投入工作。

　　羅蘭姐雖然演驚慄鬼片令人印象深刻，但她卻一直是高貴大方，多年來都溫文爾雅，從沒見過她發脾氣，羅蘭姐說︰「香港人依家生活好急促，整個工作環境同以前不同了，以前朝九晚五，依家邊會有？夜晚八點才返到屋企，仲要煮飯食，成十點吃晚飯，唔知算是晚餐定宵夜？而且有了電腦後，就算返到屋企都要繼續工作，生活緊張就自己會（有）脾氣，會暴躁。」

明年88歲再戰紅館