• |
  • 極速報價
  • |
  • 會員
  • 產品服務 / 串流版
  • 設定

09/04/2020

連累湯洛雯被Unfollow? 楊明:如果係我請佢食飯

  • 加入最愛專欄
  • 收藏文章

  【晴報專訊】楊明、蔡思貝及張振朗等一班《機場特警》演員,昨日為《流行經典50年》任嘉賓,日前湯洛雯(靚湯)在IG分享《機場特警》NG片時,有不滿楊明的網民揚言要因此取消追蹤靚湯,楊明昨日坦言不能控制網民想法,若真的連累靚湯,會請食飯賠罪。

 

楊明與何依婷在《機場特警》的親密演出,成為熱話。

 

  楊明昨日孖劇中女友何依婷齊齊錄影節目,在《機場特警》演空姐的湯洛雯積極宣傳,日前在IG貼出劇集片段,誰知不少杯葛楊明的網民留言畀負評,更表示若靚湯再分享劇集相關資訊,便會取消追蹤她。楊明聞言說:「係咩?可能唔係因為有我做呢?呢排有好多唔同嘅正面、負面評論,呢啲我控制唔到,就唔使太在意。」

 

湯洛雯的靚空姐造型備受讚賞。

 

  問楊明可覺得自己連累靚湯?他說:「如果連累到佢,我咪請佢食飯囉!不過可能因為咁,或者吸納好多新嘅fans呢?近期社會有好多聲音,唔好因為一撮人嘅言論而太在意。」另外,楊明與劇中兄弟在節目中跳唱《伴我啟航》,他特意花三小時練舞,又講笑說:「我哋個個跳舞都OK,最渣係後面一班dancers。其實dancers好專業,我睇完佢哋跳舞,就同自己講,都係返去做戲算啦!」

 

蔡思貝驚影衰張振朗

 

張振朗與蔡思貝趁拍劇空檔狂練歌。

 

  同場的張振朗與蔡思貝合唱楊千嬅歌曲《小飛俠》,第一次公開獻聲的思貝坦言心情緊張,擔心表現不好,會「影衰」新秀出身的張振朗。問思貝有否請教緋聞男友胡鴻鈞?她說:「我都係靠自己練習,等聲帶習慣唱歌。我應該唔會走音,我唔係五音不全,只係唔識開聲同埋唔夠氣。」她表示同事對他們的歌聲評價不錯,所以考慮組成「思朗」組合獻唱。

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

最緊要健康

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ